湯直送 (Closed)

宜家愈開愈多燉湯店，好適合無時間煲湯的朋友。之前已經買過好幾間燉湯店的湯，大家都各有特式。而這間湯直送位於尖沙咀中港中心，十分方便，環境十分開揚。餐牌提供十多款燉湯，仲有燉湯套餐。基本上皇牌花膠系列會比較貴一點外，其他都是$55 款。因為時間關係未能坐低慢慢享用，唯有外賣吧。外賣的湯盒都有精心設計過，打開盒蓋，仍然有一層保鮮膜封實，所以不需擔心中途會打瀉吧，拎到回家大約20分鐘，湯仍然是暖身的。今日點了二款湯，一款是花膠燉雞腳($128)，有原隻花膠，雞腳，江瑤柱，唐排，去皮的雞肉，雲腿及薑片，十分足料，雖然有唐排同雞腳同煲，但都煲得很清甜，沒有半點油膩感，唐排煲完肉質仍然嫩滑，因為有花膠，飲落有點兒黏口的感覺，好適合女士飲用。另一款是清熱的冬瓜薏米瑤柱燉唐排($55)，有大舊冬瓜，海量薏米，瑤柱，雲腿，蜜棗，唐排及豬展，可能用豬展煲的關係，這個湯會比較油了一點，但材料一樣十足，飲落清甜消暑去濕。其實單是飲湯及食湯渣，份量對女士來講已經足夠一餐了。餐廳仲推出了用APP落單，仲可以有24 小時送餐服務，十分方便。重點是堂食都沒有加一茶芥。