Video
Read full review
2018-08-23
51 views
平時行開荃灣，無論午飯或晚飯時間，見到餐廳外總係會有人排隊，次次想試都因為要等位而打消左念頭。今日掛住3號風球，又咁岩約左朋友係荃灣，諗住打風會唔會少人呢，就駁一駁啦。8點鐘到達餐廳，竟然冇人係外面等位呀！但閒日來說，餐廳都坐左8成滿，都算幾多人幫襯。同朋友被安排左坐bar 枱，一入到去都好快就倒茶同埋比menu 我地睇。睇個menu d 魚生丼好吸引，價錢就有平有貴，迷你丼既價錢就平民化d，睇相又真係好似放到成座山咁高咁，當然就同朋友一人揀一個爆丼再叫左兩個小食。魚生丼會跟一碗味噌湯，如果唔飲就可以揀加$5飲汽水。我地就揀左味噌湯。味噌湯個味都幾好，唔會太淡又唔會太濃，最怕就係飲到好咸既味噌湯，好彩呢個啱啱好，仲有豆卜，豆腐同海藻係入面。主食黎啦，落單後太概等左10分鐘左右。粒粒魚生丼$78，有三文魚，吞拿魚，希靈魚，玉子，青瓜粒粒，再加上飛魚子，份量都好多，魚生都生鮮，玉子甜甜地，個飯仲係暖暖地，米飯的軟硬度都適中，軟軟黏黏的珍珠米。極上魚生丼$158，有小小海膽係面，有帶子，三文魚腩，兩隻大牡丹蝦，仲有油魽魚。食海膽同蝦就最能易分辨出佢生唔生鮮，海膽鮮甜唔太腥，新鮮！蝦肉都唔會臭
睇個menu d 魚生丼好吸引，價錢就有平有貴，迷你丼既價錢就平民化d，睇相又真係好似放到成座山咁高咁，當然就同朋友一人揀一個爆丼再叫左兩個小食。魚生丼會跟一碗味噌湯，如果唔飲就可以揀加$5飲汽水。我地就揀左味噌湯。味噌湯個味都幾好，唔會太淡又唔會太濃，最怕就係飲到好咸既味噌湯，好彩呢個啱啱好，仲有豆卜，豆腐同海藻係入面。
主食黎啦，落單後太概等左10分鐘左右。粒粒魚生丼$78，有三文魚，吞拿魚，希靈魚，玉子，青瓜粒粒，再加上飛魚子，份量都好多，魚生都生鮮，玉子甜甜地，個飯仲係暖暖地，米飯的軟硬度都適中，軟軟黏黏的珍珠米。極上魚生丼$158，有小小海膽係面，有帶子，三文魚腩，兩隻大牡丹蝦，仲有油魽魚。食海膽同蝦就最能易分辨出佢生唔生鮮，海膽鮮甜唔太腥，新鮮！蝦肉都唔會臭同埋淋，都好爽口。三文魚腩好肥美，油脂部分都幾多同埋魚生都幾厚切，$168 呢個價算係物有所值👍🏻
小食分別試左芝士年糕同芝麻雞翼。兩樣都係熱辣辣，即炸出黎，年糕就芝士味唔夠濃郁，但勝在熱辣辣。雞翼就好脆口，仲有少少辣辣地調味，但價錢同份量好似差少少，對比小食就冇魚生丼咁高質素啦。
總括黎講魚生丼係性價比高，唔想排隊等位的話就試下避開繁忙時間黎試啦！
Post
