Video
Read full review
2024-06-09
75 views
食海鮮食得多，即撈即燒嘅呢度就可以試到。呢度全部蝦、海鮮、肉類、甜品任食3小時，我哋平日去，晚上每位$348。每一台隔離都有個流水蝦池，夾起啲蝦之後用冰水浸暈啲蝦就可以即刻燒，新鮮到十足。除咗蝦之外，呢度仲有好多海鮮，成個小型街市咁，客人可以出去任揀海鮮任食。海鮮種類都幾多，有生蠔、鮑魚、扇貝、仲有一隻唔知乜貝、魷魚、黃沙大蜆、泥鯭、馬友、黃花魚等。除咗海鮮檔仲有雪櫃雪住好多唔同肉類，有牛仔骨、羊架、豬髀仔、雞翼、串燒、各種丸類等等。蔬菜類都有日本少甜薯、菠蘿、粟米等等。另外飲品同埋雪糕雪條都係出去雪櫃任拎任食。我哋主攻海鮮，大頭蝦好生猛，夾蝦都幾好玩，大頭蝦燒起香噴噴，肉質爽蛋，開頭嘅歌都好甘香。扇貝都好鮮味，我哋出去拎咗配料蒜蓉粉絲牛油燒扇貝勁正，鮑魚都大隻厚肉，黃沙大蜆鮮甜冇沙。燒黃花魚都好正，燒嘅時候喺上面輕輕灑上粗鹽，燒起皮香肉嫩，自己再調醬汁沾嚟食，味道一流。我哋食咗兩round 海鮮之後其實都飽飽地，但係都要試吓啲肉類。我哋食咗燒雞翼、燒羊假、燒牛仔骨三款都好食，其中最鍾意羊架，佢係厚切，燒起肉質鬆軟，唔會太過羶，燒嘅時候當然唔少得灑一啲孜然粉蒜蓉上去啦，味道好好。最後當
每一台隔離都有個流水蝦池，夾起啲蝦之後用冰水浸暈啲蝦就可以即刻燒，新鮮到十足。
除咗蝦之外，呢度仲有好多海鮮，成個小型街市咁，客人可以出去任揀海鮮任食。海鮮種類都幾多，有生蠔、鮑魚、扇貝、仲有一隻唔知乜貝、魷魚、黃沙大蜆、泥鯭、馬友、黃花魚等。
除咗海鮮檔仲有雪櫃雪住好多唔同肉類，有牛仔骨、羊架、豬髀仔、雞翼、串燒、各種丸類等等。蔬菜類都有日本少甜薯、菠蘿、粟米等等。另外飲品同埋雪糕雪條都係出去雪櫃任拎任食。
我哋主攻海鮮，大頭蝦好生猛，夾蝦都幾好玩，大頭蝦燒起香噴噴，肉質爽蛋，開頭嘅歌都好甘香。扇貝都好鮮味，我哋出去拎咗配料蒜蓉粉絲牛油燒扇貝勁正，鮑魚都大隻厚肉，黃沙大蜆鮮甜冇沙。
燒黃花魚都好正，燒嘅時候喺上面輕輕灑上粗鹽，燒起皮香肉嫩，自己再調醬汁沾嚟食，味道一流。
我哋食咗兩round 海鮮之後其實都飽飽地，但係都要試吓啲肉類。我哋食咗燒雞翼、燒羊假、燒牛仔骨三款都好食，其中最鍾意羊架，佢係厚切，燒起肉質鬆軟，唔會太過羶，燒嘅時候當然唔少得灑一啲孜然粉蒜蓉上去啦，味道好好。
最後當然要食啲甜品啦，我哋燒菠蘿，酸酸甜甜可以燒製。仲有阿波羅雪糕批，係我鍾意嘅朱古力脆皮芋頭味，勁滿足。
Post
