曼谷水門海南雞飯 (Closed)

全店只售賣四款食物 - 青木瓜沙律、海南雞飯、豬手飯同埋芒果糯米飯。選擇雖少但已經包括前菜、主菜、甜品。如果叫晒4款食物嘅話$100都唔洗。兩個人叫咗半隻海南雞，一份海南雞飯，一份芒果糯米飯，連飲品埋單$150內搞掂，咁嘅價錢喺鬧市嘅餐廳真係幾難搵。▫️海南雞飯 (HKD30) - 咪以為平嘢冇好嘢。呢份海南雞飯有份量亦有質量。皮爽肉嫩而且無骨。啖啖雞肉配埋店家自製醬汁仲好味。海南雞做得出色，油飯亦都一樣。飯粒分明，有淡淡嘅香料味。▫️半隻海南雞 (HKD80) - 我哋食好少飯㗎～所以叫咗半隻雞慢慢食。半隻海南雞塞滿成個膠盒，有雞胸肉、雞翼等部位，真係好抵食！▫️芒果糯米飯 (HKD18) - 馳名泰式甜品點都要一試！香濃嘅椰汁、煙韌嘅糯米再加香甜嘅芒果，一份價廉物美嘅芒果糯米飯就因此誕生。味道比大型嘅泰國餐廳更好味啊。雖然堂食客唔多，不過我哋用餐嘅時候見到都幾多人入去買外賣，目測海南雞飯同埋芒果糯米飯係最受歡迎嘅。我屋企人都好鍾意食海南雞飯同埋芒果糯米飯😆除咗堂食我哋仲買咗海南雞飯同埋芒果糯米飯返屋企俾兩位老人家食，佢哋食完都話正👍🏻⭐️No service charge