村爺爺車仔麵 (Moved) New Location

今日帶女朋友食車仔麵，行過見到村爺爺做緊 32蚊 一面豬骨湯底。呢度係舖面揀好餸面先坐入去。先付款再慢慢食。特別之處是麵同餸分開上。叫左芝士丸墨丸牛肚粗麵墨丸是劣質 ，似粉團多d 粗麵亦不是雲吞麵舖果種粗而滑的，有種未煮透的感覺。但呢個價錢不能要求太高。女朋友就叫左拉麵底，質地都彈彈地。叫左豬腸，豬皮，蠔油冬菇。因為湯底太淡，叫佢比左個沙嗲汁。加左之後的確增色不少。推介蠔油冬菇厚肉地又煮得入哂味。但豬腸煮得太耐冇曬彈性。豬皮同樣入曬味，好可惜完全食唔番豬皮應有的口感。總括來説，32蚊3餸一麵無隱藏收費不過不失啦!