慢煮工業 (Closed)

一年幾前都已經介紹過「慢煮工業」，但上次因為只有2個人食嘅關係，就只係試咗豬肉類～今年同家人慶祝生日就揀咗呢間，因為今次多人一齊食，所以都試咗幾多菜式，仲試埋4人餐😋•🥢 四人慢煮星級盛宴 $698呢個4人餐嘅份量其實都幾足，有3款肉類、1款海鮮、1個意粉同埋1壺特飲，每樣都可以試到少少～ 📸 慢煮肉眼牛扒12安士雖然切開塊肉眼入面係粉紅色嘅，但咬落嘅口感唔算好腍好嫩，可能因為筋嘅部份都比較多～ 而肉味都有嘅，但又未算非常濃郁～📸 烤豬仔髀4支豬仔髀上面擠咗啲黃芥末醬，肉質都幾嫩滑～📸 鹹蛋黃炸大雞髀4隻雞髀真係幾大隻😆 肉質好嫩滑，好容易起骨，好方便我哋人多分嚟食～ 不過鹹蛋黃味就唔係太出喇😬📸 龍蝦汁藍青囗青口唔算大隻，但數量都幾多，每隻幾厚肉，龍蝦汁有啲濃味，唔似龍蝦湯嘅味，唔太識形容，但個人就唔太鍾意個汁🙊📸 西西里肉醬芝士焗意粉肉醬同芝士分量都幾多，夠撈勻成個意粉🤤肉醬嘅番茄味都幾出，調味適中～📸 凍蜜桃水果茶(1壺)無論係聞定飲都好有蜜桃香，配咗紅茶做茶底，仲有少量罐頭菠蘿粒同藍莓～整體飲落唔會好甜，仲幾清新解膩😋 特別一讚佢哋呢壺果茶無落好多冰，所以飲到尾都唔會溝淡晒👍🏼