築地‧山貴水產市場 (Closed)

行完書展正想諗住搭船過尖沙咀搵嘢食、喺碼頭見到呢間野環境好似幾靚諗住試吓。坐低打算Order壽司set同埋雞肉拼盤，侍應話雞肉拼盤要等一個鐘，咁我哋唯有order兩個壽司set先，諗住未夠六點食少少當下午茶。起初諗住一路傾吓計一路等住食物、最初等20分鐘都未有聲氣，同侍應追左一次、之後等左30分鐘都未有好唔對路，再同較高級的職員反映、等到40分鐘之際，眼見隔離枱都上咗雞肉拼盤、我哋個份只有十件手握壽司既set都未黎，再搵嗰位較高級既職員，佢就答你依家有客入嚟佢哋都會覆食物要等45分鐘。唔係呀？！10件手握壽司都要等45分鐘，同埋我地入嚟嗰陣時你哋都冇同我講要等咁耐。我又唔係咁信你逢見有客走入黎都同啲客講45分鐘先有得食呀，咁樣耍我... 我問佢開始整未？！佢即答5分鐘俾你！最後總共等左45分鐘上嗰十件壽司。製作食物需時但係手握壽司呢個等候時間好唔合理。真係乜嘢服務嚟㗎？食物是沒問題 北海道海膽亦是真材實料，但咁樣嘅服務真係幾嚇人，叫人點食下次。如果大家真係諗住入去食嘅、奉勸各位要有心理準備等一個鐘食物。