三洋餐廳 (Closed)

尋日同男朋友去買嘢，之後佢話想食湯飯，所以就去左油麻地三洋都食啦，佢有一個仙骨魚湯底的湯飯，仲可以搭兩個餸加一個菜，我揀左鮮雞、黃鱔加西洋菜，男友揀左田雞、鹹蛋、蘿蔔，呢個湯飯無跟嘢飲的，要飲嘢，熱加8蚊，凍加10蚊，我無跟，男友就加凍奶茶。我個個湯飯都唔係等好耐，大約5分鐘左右到，男友個個就等揀啲，個湯都叫清甜，幾好味，但唔係太食得出有魚味，但係雞都幾好味，唔太需要點豉油都已經夠味，亦都唔會太鞋，所以都ok的，而個黃鱔數目都唔少，48蚊都叫ok抵食，不過就好視乎叫咩餸了。以下評分以5⭐️為滿分推介⭐️⭐️