Video
Read full review
2021-06-19
2794 views
本人從來不寫食評，但由於個體驗好差，決定寫一篇令各位三思先來好呢間餐廳。本人從事人力資源管理及服務行業培訓，比較知道服務業既人心態同諗法，因此佢地既待客之道令我覺得佢地不專業。首先，我地訂位時有特別要求坐某類型座位，來到冇講咩直接帶我地去其他座位，明白有d座位比較搶手，需要較早時間訂位才有，但專業的話應該係confirm booking時或帶位時通知一聲。另外，坐低後，menu需要三催四請先會有人放低，有個員工長期扮睇唔到我地，出出入入我地既房間serve另一枱客（仲要只坐我地旁邊），都扮睇唔到我地舉手，拎完menu等叫菜又等左半個鐘，要出房搵人先叫到菜。我絕對相信果位員工扮睇唔到的，從事服務性行業既人對人舉手係好敏感，再者，我當你真係睇唔到，一間5星級酒店餐廳，應該自己from time to time 睇下客人有無需要，或者可以落單未，由坐低到落單足足等左40分鐘。值得一讚負責介紹蠔的員工講解得好詳細同好好服務態度。上菜時，長期睇唔到人舉手既員工介紹食物過程都不錯，但當我地希望問果位佢拎sauce 時，又係舉手舉到石化左先過來。舉手期間，長期睇唔到人舉手既員工都係出出入入我地個房間
首先，我地訂位時有特別要求坐某類型座位，來到冇講咩直接帶我地去其他座位，明白有d座位比較搶手，需要較早時間訂位才有，但專業的話應該係confirm booking時或帶位時通知一聲。
另外，坐低後，menu需要三催四請先會有人放低，有個員工長期扮睇唔到我地，出出入入我地既房間serve另一枱客（仲要只坐我地旁邊），都扮睇唔到我地舉手，拎完menu等叫菜又等左半個鐘，要出房搵人先叫到菜。我絕對相信果位員工扮睇唔到的，從事服務性行業既人對人舉手係好敏感，再者，我當你真係睇唔到，一間5星級酒店餐廳，應該自己from time to time 睇下客人有無需要，或者可以落單未，由坐低到落單足足等左40分鐘。
值得一讚負責介紹蠔的員工講解得好詳細同好好服務態度。
上菜時，長期睇唔到人舉手既員工介紹食物過程都不錯，但當我地希望問果位佢拎sauce 時，又係舉手舉到石化左先過來。舉手期間，長期睇唔到人舉手既員工都係出出入入我地個房間，極度體貼服務我地旁邊果枱，對我地既冷漠形成強烈對比，對客人一視同仁係5星級酒店餐廳既基本要求。
其他食物不算很美味，蠔就好新鮮，海水味好重。
最後，極不建議來呢間餐廳，相比起同一個價位既Morton’s，服務、味道都比呢到好。
Post