Video
Read full review
2021-03-26
1094 views
印度fusion 西餐o既特色菜館，一款孔雀羽毛o既圖騰貫穿整間餐廳o既牆身，連同天花d 細細盞中東彩色碎玻璃燈，樸實之中不失異國風情。午餐$50 幾蚊已經好多選擇，講緊印度咖哩薄餅、土耳其羊肉卷呢d 特色o野wo，出面食個普通西餐都唔只呢個價啦……呢度一個餐送一個湯同埋冷熱飲品，仲唔使加一添！是日餐湯係牛肝菌菇濃湯，用上菇菌、豆腐同瘦肉去煲，滲出接近truffles o既香氣，亦幾重胡椒粉o既嗆口感。我貪平叫o既印度咖喱牛肉蘿蔔($52)，係成個menu 最平，而且咖哩雞同咖哩牛係同價，咁呀梗係叫牛肉啦……雖然係平，但佢無因價就貨，實物一d 都唔失禮，用上巨型o既心形碟盛載，原來仲包一份細田園沙律同薯條，嘩想講咁樣真係好抵食！d 咖哩味道濃郁，富有香料氣息再小小辣咁，而裡面o既牛腩則腍身好食，堅高質！佢呢個咖哩可以跟飯、烤餅或者脆餅，我地寫單o個陣特登問阿印度人老闆o個兩隻薄餅有咩分別，邊隻好食d 咁。我大概理解為paratha 係layered bread，係pan fried；而naan 則係plain d，係焗出o黎。我揀o左paratha，係轉轉轉一大卷o既薄餅，口感鬆化，就
午餐$50 幾蚊已經好多選擇，講緊印度咖哩薄餅、土耳其羊肉卷呢d 特色o野wo，出面食個普通西餐都唔只呢個價啦……呢度一個餐送一個湯同埋冷熱飲品，仲唔使加一添！是日餐湯係牛肝菌菇濃湯，用上菇菌、豆腐同瘦肉去煲，滲出接近truffles o既香氣，亦幾重胡椒粉o既嗆口感。
是日餐湯
28 views
0 likes
0 comments
我貪平叫o既印度咖喱牛肉蘿蔔($52)，係成個menu 最平，而且咖哩雞同咖哩牛係同價，咁呀梗係叫牛肉啦……雖然係平，但佢無因價就貨，實物一d 都唔失禮，用上巨型o既心形碟盛載，原來仲包一份細田園沙律同薯條，嘩想講咁樣真係好抵食！d 咖哩味道濃郁，富有香料氣息再小小辣咁，而裡面o既牛腩則腍身好食，堅高質！
印度咖喱牛肉蘿蔔
12 views
0 likes
0 comments
佢呢個咖哩可以跟飯、烤餅或者脆餅，我地寫單o個陣特登問阿印度人老闆o個兩隻薄餅有咩分別，邊隻好食d 咁。我大概理解為paratha 係layered bread，係pan fried；而naan 則係plain d，係焗出o黎。我揀o左paratha，係轉轉轉一大卷o既薄餅，口感鬆化，就咁食食落本身略帶小麥、麥芽o既甜味；再蘸埋咖哩，簡單一流！
paratha
24 views
0 likes
0 comments
跟餐配Coffee/tea/汽水，又可以補錢試下佢d 啤酒或者lassi (奶昔) 之類。我個餐揀o左杯kiwi fruit coconut smoothie (加$18)，睇住個南亞侍應o係水吧即時製作，將d 生果用攪拌器攪攪攪。奇異果o既果酸，衝撞住甜甜o既椰漿，好亞熱帶feel~
kiwi fruit coconut smoothie (跟餐加$18)
4 views
0 likes
0 comments
我地最後仲叫o左一件cheesecake share 食，自家製美式芝士蛋糕($53) 係藍莓口味，上面舊雪糕似係維記唔係話好特別，不過個cake 裡面都好軟滑。呢間餐廳d 店員好慇懃，午餐非常之抵同好食，5 粒星！係地理上有d 隔涉，但絕對係值得。
自家製美式芝士蛋糕 ($53)
6 views
0 likes
0 comments
食物
6 views
0 likes
0 comments
Post
