點心到 MIX·大排檔

Open Now

Now Closed

$5茶位同埋加一，近旺角地鐵站E2出口波鞋街附近，今日帶阿媽嚟試一試。比起傳統茶樓嚟講其實就冇咁嘈都坐得幾舒服，同埋最緊要性價比高。點心方面呢其實都幾體貼，因為同阿媽兩個人，蝦餃燒賣佢都可以淨係叫兩粒一籠嘅，呢個真係要讚一讚，因為平時一籠四粒兩個人真係食唔晒。仲有我最鍾意食嘅鵪鶉蛋燒賣，唔係間間都有得食，真材實料啖啖肉。蒸包裹方面，個黑金流沙包真係一流，絕對留心，落口時小心流沙奶黃會熱親口。叉燒包都唔錯其實佢個份量唔係太大粒，兩個人都OK嘅。其實都幾欣賞佢一啲酥點類，原本想叫榴槤酥，可能真係要早啲嚟賣晒嚕。蜆蚧鯪魚球，即叫即炸，上枱時仲要熱辣辣，等一陣先食得。鹹水角都非常出色。