HeSheEat (THE FOREST)

Open Now

Now Closed

經過Hesheeat，見到餐廳風格改咗，傾向淺色和柔和系，就入去食晚餐。🌱和風大蝦牛油果沙律牛油果腍滑，大蝦的邊微微燒香過，沙律菜較硬，日本蘿蔔爽脆酸甜很突出，柚子醬酸酸甜甜。🌱單骨雞翼配蜜糖芥末醬雞翼炸得香脆可口，裏面的肉有少少鹹鹹地，搽少少蜜糖芥末醬就甜甜地。🌱香煎帶子黑松露忌廉燴扁意粉帶子煎香過，口感軟滑，黑松露醬濃郁，扁意粉口感軟硬適中，除咗黑松露醬，芝士片和三文魚籽的鹹香，仲有洋蔥的甜味。🌱宇治抹茶黑芝麻梳乎厘班戟梳乎厘班戟的蛋味香濃，班戟密度比較高。綠茶醬滑身唔苦澀，紅豆頗甜，本身諗住甜品只有甜，卻有塊鹹香的芝士脆片襯托，最後覺得甜後加返一點鹹都唔錯。🌱百香果抹茶百香果和抹茶十分配合，抹茶唔會太濃郁，而百香果帶酸味，感覺清新。🌱5.0 milk soft ice cream x espresso 呢個似歐洲的雪糕咖啡，🙌🏻真係要推介俾大家！其實我好少食特濃牛奶味雪糕，怕佢太羶和甜。但係呢個我食咗第一啖之後就冇停過手。雪糕質地硬淨，奶味濃郁唔羶唔太甜，加啲espresso有咖啡蓋住，雪糕口感柔和，微苦中帶甜。