颱風點心 (Closed)

平時都好鍾意去點心店飲茶，呢間一路都想去，咁啱朋友介紹左個搵食apps訂枱，唔同時段唔同discount , 最後同阿媽挑戰4:00 半價時段， 除左飲品，所以野食都半價wowowowowo, 不過加一就以原價計，但都超值。利園感覺真係好high class😍, 餐廳環境好靚好modern,有空間感。最鍾意佢枱面既畫，影野食有呢個background襯托下，好詩情畫意。等食時有好開胃既涼伴青瓜雲耳菠蘿叉燒包好好食，皮好鬆化，叉燒包好多汁金魚餃一定要叫黎影相，真係好靚，栩栩如生。個湯好勁翡翠苗味，好清新。金魚餃入邊有蝦同甘荀，味道無咩特別似蝦餃，係食個賣相👍🏻之後要推介既係芋絲餅，真係超正。面頭好多芋絲，我以為會比較硬，點知食落係淋身，好鬆脆，加埋喼汁一流👍🏻流沙包聞說都係必食項目，流心效果真係唔錯，可惜個皮比較實，唔夠鬆軟燒賣幾足料，不過不失呢個時候已經好飽，一場黎到梗係要食埋甜品楊枝金露真係好正，d 西米粒粒好彈口，芒果唔係係淋果種，幾有咬口的，開頭我仲以為係椰果xD。入邊仲有好多柚子肉，食一啖冰涼入心最後食埋個椰香棗皇糕，味道唔太甜，實在非常彈口非常飽。。。投降了！ 埋單$202兩