Video
Read full review
2016-02-11
6485 views
2月1號落雨又凍冰冰，所以同朋友決定食韓燒午市放題。荃灣韓燒都有唔少選擇，多數都係醃料好多，食完勁口渴嘅韓燒。BBQ Military嘅傳單就接唔少喇，不過一直都未有機會去試，所以決定上去睇吓。上到去見到餐牌寫時段12點至3點每人$88韓燒放題 (另再加10%服務費)，心諗：88蚊3個鐘有冇咁荀呀？所以就問吓職員係食幾耐，原來只係食1個鐘 老老實實，相對同業90分鐘，1個鐘就真係顯得有啲少。味道肉質同味道係目前為止食過嘅韓燒放題中最高，食材算係新鮮。朋友話牛舌好食，而我覺得佢牛肉同雞肉類嘅食物係好食嘅；豬肉類就麻麻哋。另外佢每枱都送碟泡菜，未去過韓國唔知真正嘅泡菜係咩味，不過喺香港食過嘅泡菜嚟比較，依間泡菜都唔差。環境佈置幾有特色，有韓國明星ＭＶ同海報，店員着迷彩軍服配搭返"Military"。每個爐上都有個獨立嘅抽風機，食完冇油煙味(亦有可能係得兩枱客人食 所以冇油煙味)。 坐位係圓櫈仔，冇得"哎"住，坐得耐唔舒服。個爐就細咗少少，３個人食勉強可以。而且張枱都幾細，擺多幾碟野就冇位。間鋪係用gas爐，初初燒嗰時個火唔係好猛，燒燒吓熄埋火，換咗個新gas就好猛火，燒得好爽。服務平時食放
上到去見到餐牌寫時段12點至3點每人$88韓燒放題 (另再加10%服務費)，心諗：88蚊3個鐘有冇咁荀呀？所以就問吓職員係食幾耐，原來只係食1個鐘
老老實實，相對同業90分鐘，1個鐘就真係顯得有啲少。
味道
肉質同味道係目前為止食過嘅韓燒放題中最高，食材算係新鮮。朋友話牛舌好食，而我覺得佢牛肉同雞肉類嘅食物係好食嘅；豬肉類就麻麻哋。
另外佢每枱都送碟泡菜，未去過韓國唔知真正嘅泡菜係咩味，不過喺香港食過嘅泡菜嚟比較，依間泡菜都唔差。
環境
佈置幾有特色，有韓國明星ＭＶ同海報，店員着迷彩軍服配搭返"Military"。每個爐上都有個獨立嘅抽風機，食完冇油煙味(亦有可能係得兩枱客人食 所以冇油煙味)。
坐位係圓櫈仔，冇得"哎"住，坐得耐唔舒服。
個爐就細咗少少，３個人食勉強可以。而且張枱都幾細，擺多幾碟野就冇位。
間鋪係用gas爐，初初燒嗰時個火唔係好猛，燒燒吓熄埋火，換咗個新gas就好猛火，燒得好爽。
服務
平時食放題會有服務員講解落單程序同注意嘅地方，但依度帶完你入座就走咗去。
點餐紙都研究咗一陣，因為第一次食，唔知放題同午市套餐係邊張打邊打。最後要問佢先知道，原來分燒肉同打邊爐，有價錢嘅就比錢，冇就係88蚊任食包嘅 。
擺放食物時唔會粗粗魯魯，而且會主動收用完嘅碟。
到最後食完，雖然枱面食物已經食哂，個爐都冇野燒，但個服務員一野就熄咗個火，我覺得循例問下或者講佢會熄爐先再熄，感覺會好好多。
衛生
地下好乾淨，亦冇發現有小昆蟲飛嚟飛去。 不過啲生菜睇落唔係咁新鮮...
總結
以８８蚊嚟依個質素完全抵食，但得１個鐘食得有啲急，不過都飽。
Post