和道屋

Open Now

Now Closed

無面男餐廳最近推咗個90分鐘和食半放題，可以任食日本A4和牛、北海道米豚、廣島牡蠣壽喜燒、仲有師父即握壽司、野菜盤、溫泉蛋紫菜飯、溫泉蛋稻庭烏冬等，唔使去日本都食得到～頭盤有和風沙律同時令刺身五款，新鮮肥美，份量細細，令人食慾大開。之後有自選5款即做串燒、料理或天婦羅，三文魚頭肉質細嫩、海白虎蝦同海膽大葉天婦羅炸至酥脆、芝士年糕煙煙韌韌，Q軟可口，如果有多件就好啦！鍋入面已經包埋野菜盤，唔夠嘅可以再加。壽喜燒甜得嚟又唔會覺得口渴，大大力推介呢度嘅日本A4和牛，入口即溶，自己一個都食咗好幾碟，絕對係回本item、豚肉大塊，肥瘦適中、牡蠣鮮嫩多汁、整體性價比高，值得到訪一試。