Video
Read full review
2019-05-02
70 views
90後嘅朋友，無論男男女女都一定有睇過百變小櫻，仲要今時今日都仲識唱佢嘅主題曲，諗返起都覺得自己仲係好青春少艾 XD。知道The One果間點心代表今做緊百變小櫻即刻捉左個Fd黎食下，懷念下從前！呢位朋友想當年會買百變小櫻嘅精品、手機套果D嫁，捉佢黎就Perfect啦！一上The One 4樓一轉左就即刻見到一張張古羅卡，古羅卡入面仲要百變小櫻嘅主要角色係入面嘩嘩嘩~小櫻、小狼、知世、雪兔哥哥、基路仔、桃矢，全部係哂度呀，心心眼！連墊檯紙、Menu、裝飾都有百變小櫻嘅元素，童心大發，勁開心。我地叫左6個點心，分別有小櫻紫薯流沙包($45)、好友蒸腸粉($49)、櫻花鮮蝦餃($49)、鮮蝦炸春卷($59)、小狼玉子燒($49)同米網煎餃子($45)，另外，仲叫左壺人參烏龍茶($24)。小櫻紫薯流沙包，有小櫻GE口麥頭一定唔少得啦，入面係紫薯餡，味道唔算話好甜，對我黎講，味道剛剛好，唔會太膩。好友蒸腸粉呢個名好搞笑，讀得快D就會變左好友正彩腸粉XD，某程度上做得死檔都應該把口唔會點收，都係腸粉黎嫁啦。每件腸粉都有1個人物角色係上面，搞到我少少唔忍心食添。上檯都幾熱辣，皮幾薄，入面有大大粒蝦
知道The One果間點心代表今做緊百變小櫻即刻捉左個Fd黎食下，懷念下從前！呢位朋友想當年會買百變小櫻嘅精品、手機套果D嫁，捉佢黎就Perfect啦！
一上The One 4樓一轉左就即刻見到一張張古羅卡，古羅卡入面仲要百變小櫻嘅主要角色係入面嘩嘩嘩~小櫻、小狼、知世、雪兔哥哥、基路仔、桃矢，全部係哂度呀，心心眼！
連墊檯紙、Menu、裝飾都有百變小櫻嘅元素，童心大發，勁開心。
我地叫左6個點心，分別有小櫻紫薯流沙包($45)、好友蒸腸粉($49)、櫻花鮮蝦餃($49)、鮮蝦炸春卷($59)、小狼玉子燒($49)同米網煎餃子($45)，另外，仲叫左壺人參烏龍茶($24)。
小櫻紫薯流沙包，有小櫻GE口麥頭一定唔少得啦，入面係紫薯餡，味道唔算話好甜，對我黎講，味道剛剛好，唔會太膩。
好友蒸腸粉呢個名好搞笑，讀得快D就會變左好友正彩腸粉XD，某程度上做得死檔都應該把口唔會點收，都係腸粉黎嫁啦。每件腸粉都有1個人物角色係上面，搞到我少少唔忍心食添。上檯都幾熱辣，皮幾薄，入面有大大粒蝦仁，甜鼓油另上，岩哂我呢D非要打下卡嘅人！
白色同粉紅色GE櫻花鮮蝦餃，上面仲要有D玫瑰花碎 同 金箔，賣相認真吸晴，蝦餃皮煙韌，蝦同樣夠滑夠彈牙，而且好似D蝦調左味，蒸完D味道帶左少少落個皮度，幾好味！
鮮蝦炸春卷上面插住D角色嘅竹簽，隔離檯嘅小朋友見到勁開心，係咁拎住D長春卷係度玩，春卷卜卜脆，又真係食得又玩得嘅。
小狼玉子燒，上面印住小狼整日用嘅符咒，諗起小狼保護小櫻嘅英姿真係好想再翻睇多次，玉子燒唔會太甜，而個蛋都幾滑。
米網煎餃子，餃子熱辣辣，連埋米網食，口感又軟又卜卜脆，點埋泰式辣醬食，食炸野無得輸。
我地坐左好耐，見到都幾滿座下，但店家都幾好，無趕人走，俾我地坐度夠皮自己走。
Post
