尚鮮日式燒肉漁市場 (Changed Hand) New Restaurant

燒肉好推介！連我家寶寶都話好食！平時普通燒肉食得多，但我未食過和牛。400蚊可以任食，仲可以食埋刺身同壽司。寶寶話呢間堅係用日本A4和牛，冇花冇假。牛嘅肉質好唔錯，都值得食同推介。放題今次special可以無限添加生蠔。不過我地自己本身對燒蠔麻麻地，興趣不大。要讚嘅係送嘅燒蟹蓋，好鮮甜，其實想encore再要，不過實在太肥喇！試下好了！呢度落單用Ipad，上菜速度都快。職員個樣個個都好黑面咁，但都不失專業，好有耐性話你知啲肉點燒。見到隔離枱燒燶哂啲肉，都會留一陣教個客點燒，燒哂俾個客先走開，呢個service都係第一次見。每人包一杯雪糕，可以話係令呢餐更滿足。和牛放題，食過一次，我諗唔會半年內食第二次，因為真係好肥好肥好肥。不過真心呢間好值得大家去試。記得啲伙記黑面唔係真係黑你面嘅，本身佢冇面部表情啫。公度啲講，呢度嘅職員服務係唔錯架。