神石燒牛扒炸物專門店 (Closed)

天氣涼番，又係時候食啲暖胃嘅野啦，朋友仔提議食燒燒下，我哋就係元朗yoho 搵咗呢間石燒牛。好，坐低睇吓有咩好食先。岀面白飯同沙律自己任添，呢度除咗有沙律菜，仲有薯仔雜果沙律，正！主角黎啦，日本A5佐賀黑毛和牛，四四方方嘅和牛，中間嘅花紋同脂肪比例各佔一半，食落果種牛味同油脂爆發嘅味道，好勁呀。另外仲有美國極黑豚，安格斯牛膈肌，厚切牛脷，珍寶帶子，真係食到好飽飽。呢個日式炸蕃薯條要一提，粗身嘅蕃薯條，岀面炸到超香脆，裡面蕃薯又甜又軟腍腍，好味！