拱照車仔麵 (Closed)

早排見到有食肆索價一百二十八元一碟餐蛋飯。坦白講，香港很多人都食得起，但食得起既相信絕大部份人都唔會去試。怕食左都會俾人笑。今日係茶餐廳忽然想起，特然間很想食，連其他選擇都不用看便點了。但這裡的餐蛋飯除了餐蛋外，還有腸仔和火腿，冇所謂啦，食多兩樣。這碟飯算做得唔錯，賣相幾好。還加了一點雜菜伴碟、都算有心機。第一樣一定係試個主角餐肉，餐肉煎得幾香，都算皮脆肉軟。但可惜只得一塊，到喉唔到肺。腸仔是小紅腸貨色，冇乜驚喜。蛋亦煎得幾好，不會過熟，弄穿蛋黃後、蛋黃流進熱飯中，再加埋豉油，味道真是一絕！反而火腿就煎得唔夠，扣了一點分數。這碟飯連凍飲三十六元，非常滿足！