Video
Read full review
2022-12-03
1166 views
香港人一講起和牛就如數家珍，唯獨沖繩區和牛就真係少聽。講起沖繩，你一定諗起阿古豬，又或者海葡萄，但原來沖繩和牛係黑毛和牛中其中一個好出名嘅成員，大部分名氣勁大的阿哥級品牌如神戶牛，松阪牛等嘅牛隻都係來自沖繩嘅小牛繁殖場，可見唔係一般和牛咁簡單，最重要呢隻和牛好少出口到海外。因為草間彌生，M+你可能點都近來會去過，但係佢嘅餐廳你又試過未？除左MOSU外，（天啊！我仲未book到Mosu）ADD+ 都係經常一位難求，之前試過特登去食海南雞飯，但係週末經常大排長龍，今次得知佢地首度於 12 月 9 日至 23 日推出沖繩 A5 和牛期間限定的九款單點美食，有朋友帶去優先才認識到呢個沖繩牛。你唔以為和牛就一定好貴，各菜式由港幣$128 至港幣$598，最重要係午餐及晚餐時段都會提供。沖繩牛酥、蜜汁芥薯沖繩牛粒、黑啤酒燴沖繩牛肋肉、蘿蔔清湯沖繩牛腩、香煎牛排扒酸豆果醬、沖繩牛麵包卷、沖繩他他牛、黑松露沖繩牛米粉，燒汁沖繩牛炒飯，九款選擇各有特色，唔知食邊種？小朋友才做選擇我全都要。今次選了牛肋骨及前牛腰脊肉作主要菜式，前菜先有沖繩他他牛，醬汁開胃之餘，有種甜美，撈埋落個牛肉食好爽，而且仲有味噌醃
香港人一講起和牛就如數家珍，唯獨沖繩區和牛就真係少聽。
講起沖繩，你一定諗起阿古豬，又或者海葡萄，但原來沖繩和牛係黑毛和牛中其中一個好出名嘅成員，大部分名氣勁大的阿哥級品牌如神戶牛，松阪牛等嘅牛隻都係來自沖繩嘅小牛繁殖場，可見唔係一般和牛咁簡單，最重要呢隻和牛好少出口到海外。
因為草間彌生，M+你可能點都近來會去過，但係佢嘅餐廳你又試過未？除左MOSU外，（天啊！我仲未book到Mosu）ADD+ 都係經常一位難求，之前試過特登去食海南雞飯，但係週末經常大排長龍，今次得知佢地首度於 12 月 9 日至 23 日推出沖繩 A5 和牛期間限定的九款單點美食，有朋友帶去優先才認識到呢個沖繩牛。
你唔以為和牛就一定好貴，各菜式由港幣$128 至港幣$598，最重要係午餐及晚餐時段都會提供。
沖繩牛酥、蜜汁芥薯沖繩牛粒、黑啤酒燴沖繩牛肋肉、蘿蔔清湯沖繩牛腩、香煎牛排扒酸豆果醬、沖繩牛麵包卷、沖繩他他牛、黑松露沖繩牛米粉，燒汁沖繩牛炒飯，九款選擇各有特色，唔知食邊種？小朋友才做選擇我全都要。
今次選了牛肋骨及前牛腰脊肉作主要菜式，前菜先有沖繩他他牛，醬汁開胃之餘，有種甜美，撈埋落個牛肉食好爽，而且仲有味噌醃漬生鵪鶉蛋蛋黃撈埋一齊，聽見都正。
沖繩牛酥，呢個係必點菜式，因為餐廳請到酒店點心師傅出山（唔使講邊間，你一食就知）個酥脆包住美味多汁的沖繩牛肉，仲有點點嘅黑椒香，你食完就會知道佢係邊間酒店做過，風格實在太強烈。
如果你愛啤酒，一定要吃黑啤酒燴沖繩牛肋肉，啤酒燴到入哂成件牛肋肉，個種感覺唔講得笑，而家牛肋肉的油脂同腍身真係非常溫柔，旁邊的烤時蔬及手指薯都好搶鏡。我個人覺得相對簡單係蜜汁芥薯沖繩牛粒，不過特別出色係個蜜汁芥薯，味道比牛肉更加搶鏡得多。
沖繩牛麵包卷一定會令你諗起威靈頓牛，但呢個牛當然出色得多，你會想如果好似平時嗰啲威靈頓牛咁大件就會好幸福了，那燒得漂亮的嫩紅，一看就垂涎。
蘿蔔清湯沖繩牛腩香到一個點係放低已經聞到，蘿蔔當然非常清甜，個牛腩仲可以加上蔥花，完全係fine dining格局。
最勁一定要講香煎牛排扒酸豆果醬， 因為最大份而且係好似平時你食開扒嘅感覺，最能體會硬淨嘅沖繩牛感覺，絕對不能不叫呢個主吃。
黑松露沖繩牛米粉同燒汁沖繩牛炒飯，看你愛好，我個人熱愛沖繩牛炒飯，因為炒得好有鐵板燒店嘅感覺，沖繩牛煎米粉係好似中式嘅煎米粉底一樣，冇諗過用呢個方法，不過要提一提呢碟沖繩牛好大件，真係不能錯過。
睇完呢篇介紹，供應期有限，快啲訂左位先。下篇再話俾你聽呢間餐廳有咩其他好食嘅嘢。
Post
