Video
Read full review
2024-08-17
7665 views
難得平日放假，去Airside行街街，見到有間泰式火鍋叫做四面泰，感覺好特別，即刻入去醫肚😋餐廳午市會有一人套餐或二人套餐，我哋幾個揀咗一人套餐，唔同嘅肉唔同嘅湯底然後share食，咁就樣樣都試到😍佢嘅肉全部按唔同份量有唔同價錢，分別有100g, 130g, 160g, 咁就可以因應自己嘅食量去揀啦🤩美國特色肥牛套餐，肥牛淥幾秒已經急不及待要食，入口即溶，肉質鮮嫩，味道一流😋美國嚴選牛板腱套餐，牛板腱嘅口感有咬口，肉味濃郁😍西班牙黑毛豬腩肉套餐，豬腩肉好香好有豬味，脂肪分佈平均，好有口感🤩三個火鍋湯底分別係秘製冬陰功鮮鍋，椰奶雞湯鍋同埋慢燉牛板腱清湯鍋，冬陰功酸酸辣辣又有鮮味同椰香，配豬腩肉特別正，好開胃！椰奶雞湯有濃郁嘅椰子香，配手工製泰式船河，肉，蔬菜食都好正，掛晒湯咁🤤牛板腱清湯味道清甜有層次感，配唔同嘅肉類都好夾🥰我哋驚唔夠食仲加咗小食😂泰式手打蝦餅外脆內軟，好有蝦味；香茅雞翼有香茅味，又香又脆😍飲品方面我哋叫咗幾杯特飲，泰式芒芒碌碌好colorful, 好清新又解渴，芒果味仲好濃，啱晒夏天飲；泰式手標啵啵奶茶，奶茶味濃郁，啵啵口感都好特別有咬口；蝶豆花青檸梳打水顏色好靚好夢幻
難得平日放假，去Airside行街街，見到有間泰式火鍋叫做四面泰，感覺好特別，即刻入去醫肚😋餐廳午市會有一人套餐或二人套餐，我哋幾個揀咗一人套餐，唔同嘅肉唔同嘅湯底然後share食，咁就樣樣都試到😍佢嘅肉全部按唔同份量有唔同價錢，分別有100g, 130g, 160g, 咁就可以因應自己嘅食量去揀啦🤩
美國特色肥牛套餐，肥牛淥幾秒已經急不及待要食，入口即溶，肉質鮮嫩，味道一流😋美國嚴選牛板腱套餐，牛板腱嘅口感有咬口，肉味濃郁😍西班牙黑毛豬腩肉套餐，豬腩肉好香好有豬味，脂肪分佈平均，好有口感🤩三個火鍋湯底分別係秘製冬陰功鮮鍋，椰奶雞湯鍋同埋慢燉牛板腱清湯鍋，冬陰功酸酸辣辣又有鮮味同椰香，配豬腩肉特別正，好開胃！椰奶雞湯有濃郁嘅椰子香，配手工製泰式船河，肉，蔬菜食都好正，掛晒湯咁🤤牛板腱清湯味道清甜有層次感，配唔同嘅肉類都好夾🥰
我哋驚唔夠食仲加咗小食😂泰式手打蝦餅外脆內軟，好有蝦味；香茅雞翼有香茅味，又香又脆😍飲品方面我哋叫咗幾杯特飲，泰式芒芒碌碌好colorful, 好清新又解渴，芒果味仲好濃，啱晒夏天飲；泰式手標啵啵奶茶，奶茶味濃郁，啵啵口感都好特別有咬口；蝶豆花青檸梳打水顏色好靚好夢幻😍，除咗打卡靚，味道清新酸酸甜甜，好鬼正😋
最正係依間火鍋係加湯唔係加水，唔會愈溝愈淡，茶水同埋手工醬料費15蚊一位，已經包咗任食嘅泰國蝦片，真係好抵，食到勁飽點知餐廳仲送咗繽紛爽椰椰比我哋😂，佢話依個優惠做到8月31號，真係好好呀，全部侍應服務都好nice，講解又詳盡，環境又舒服，餐廳仲好貼心有供應 圍裙同埋usb位可以叉電，有機會再嚟試吓佢嘅晚市先😍
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉💉💉
翻兜指數：🩺🩺🩺🩺🩺
Post
