Video
Read full review
2022-03-08
163 views
.📍 Beans📍#饅頭去青衣 #饅頭食西餐 #饅頭與cafe培養感情系列------------------------------1️⃣ The Backyard Breakfast ($118)呢個All-day breakfast包含嘅食物種類好豐富，有煙肉、雜菌、雞肉腸、Parmesan ham、蜜瓜、茄汁豆等等。佢哋嘅煙肉脂肪部位其實唔多，但依然有好重嘅油膩感😅，不過鹹味充足，唔會煎到過硬；雞肉腸煎得幾靚😍，肉質較鬆散，冇咩肉汁，鐘唔鐘意呢款口感就見仁見智；炒過嘅菇菌類自然香口，不過同煙肉嘅問題一樣，太重油 ，如果再加少少黑椒會更香；火腿鹹味適中，肥瘦分佈都平衡，煙燻香配哈蜜瓜啱啱好，哈蜜瓜如果唔連皮上會更方便食客，不過唔知係咪我牙力有問題，我覺得佢哋嘅火腿好似乾得濟，我咬唔開😂。令我意外嘅係佢哋焗過嘅蕃茄，清甜好食有油香，愛了愛了❤️。再講Benedict Egg，今次嘅包底係搽咗牛油嘅英式鬆餅，勝在加咗料都唔會太濕😆，煙三文魚冇乾硬嘅情況，雞蛋黃非常流心，仲有黑魚子鮮味作點綴。至於waffle嘅蛋香同牛奶味充足，彈性十分，外層似麵包帶有少少韌性，入面就似雞蛋仔咁鬆軟，小編都係
📍 Beans📍#饅頭去青衣 #饅頭食西餐 #饅頭與cafe培養感情系列
------------------------------
1️⃣ The Backyard Breakfast ($118)
呢個All-day breakfast包含嘅食物種類好豐富，有煙肉、雜菌、雞肉腸、Parmesan ham、蜜瓜、茄汁豆等等。
佢哋嘅煙肉脂肪部位其實唔多，但依然有好重嘅油膩感😅，不過鹹味充足，唔會煎到過硬；雞肉腸煎得幾靚😍，肉質較鬆散，冇咩肉汁，鐘唔鐘意呢款口感就見仁見智；炒過嘅菇菌類自然香口，不過同煙肉嘅問題一樣，太重油 ，如果再加少少黑椒會更香；火腿鹹味適中，肥瘦分佈都平衡，煙燻香配哈蜜瓜啱啱好，哈蜜瓜如果唔連皮上會更方便食客，不過唔知係咪我牙力有問題，我覺得佢哋嘅火腿好似乾得濟，我咬唔開😂。令我意外嘅係佢哋焗過嘅蕃茄，清甜好食有油香，愛了愛了❤️。
再講Benedict Egg，今次嘅包底係搽咗牛油嘅英式鬆餅，勝在加咗料都唔會太濕😆，煙三文魚冇乾硬嘅情況，雞蛋黃非常流心，仲有黑魚子鮮味作點綴。
至於waffle嘅蛋香同牛奶味充足，彈性十分，外層似麵包帶有少少韌性，入面就似雞蛋仔咁鬆軟，小編都係第一次食到咁嘅口感嘅窩夫，感覺都幾得意😋。
------------------------------
2️⃣熱榛子咖啡 (跟餐）
------------------------------
🔸整體評分：7.5/10
🔸小編回頭率：6.5/10
Post
