Pause It (Moved) New Location

呢間cafe應該開左冇耐，裝修新淨，簡潔乾淨，黑白為主感覺型格。經過舖頭見到有人食all day breakfast 搞到我忍唔住入去試下，估唔到味道都唔錯。All day breakfast $98呢個all day breakfast 有炒滑蛋（可以揀煎蛋）、豬肉腸、煙肉、炒雜菌、茄汁豆、焗蕃茄、沙律菜少許、脆麵包。係經典配搭，比較特別嘅係焗蕃茄同炒雜菌。番茄焗得好透，熱辣辣又酸酸甜甜，軟硬適中，炒雜菌調味做得幾好，雜菌有口感而且好香，份量都算ok，滑蛋都幾滑溜，而且幾蛋香。整體份量都可以，配搭豐富。Charcoal latte $38唔講唔到，淨係個拉花都值得叫一杯。黑色咖啡係幾特別，幾乎嚟親呢間cafe 嘅人都會點。飲落其實係飲到竹炭粉嘅存在，會飲到比較孩口一粒粒粉末狀嘅竹炭，Latte 味道都明顯，感覺唔係好溝得埋，係有竹炭粉質感嘅咖啡😂最底底幾啖係濃濃竹炭粉，因為沈澱曬係底所以特別濃稠，係無辦法飲落口😂不過大半杯質感都正常嘅，打下卡ok。