Antipasto Italian Restaurant (Moved) New Location

👌🏻同同事 Lunch Break 經過呢間意大利餐廳，聽到餐廳播住印度歌，菜式就意大利 Mix 中東菜，個配搭相當新奇 🤣 見 Lunch Menu 不算貴，即興入去試下 😇👅 Rib Eye Steak ( $ 199 ) + Fries ( $ 120 )餐廳做緊優惠， $ 199 就有 200g 澳洲肉眼扒，牛扒愛好者當然要點一份 😜 Medium level 內裡粉嫩而外皮焦烤，餐廳配搭既醬汁帶有中東香料味道，並非一般既黑椒汁，搭牛責食都幾特別 ☺️ 另有翠玉瓜、茄子等配菜，營養齊哂～另外加配一份薯條，香脆、大份、好味！👅 Grilled Chicken Rice ( $ 65 )全日有售既 All day long combo套餐，每份連飲品都係$ 65 -$ 88 不等。今次點左份迷迭香烤雞配飯，烤香既雞肉較為乾身，但食落發現充滿焦香，配上特式沙律醬汁，咸中帶辣既滋味十分不錯 🫶🏻☕️ Masala Milk tea ( $ 25 )印度特色奶茶，從未飲過，好驚訝係咁既味道 😆 原來瑪薩拉奶茶係比較重薑味，入口就有股辛辣既沖擊，之後先緩緩浮現奶既醇味，奶味頗重，加糖飲會更好味