Video
Read full review
2013-08-17
1656 views
唔知大家希無發覺人大左，酒量愈好，真係可以話無酒不歡？以前細個中學同朋友仔要傾計會去樓上Cafe飲咖啡或飲台式飲品，宜家大個啦，出黎做野就要去酒吧飲大人提子汁，飲cocktail...有時諗下諗係唔伙酒精就代表年齡既增長？憑住tablemap既訂位，我地又有一個相聚好地方:THE LIVE HOUSE。10點後入座小食7折，cocktail買一送一。呢個bar o係地庫，有live band既設備,據熱心同好客既waiter(可能係經理因為著唔同衫)分享，平日係日日都有人玩下音樂咁既，晚餐時段播較平靜舒情既歌，俾客人傾下計，special event就較激昂，但由於今日星期日，所以無任何band show。晚餐個後黎只叫了snack platter，有芝士煙肉焗薯條+魷魚圈同蜜糖雞翼，三者都達標既，而且好細心有不同既醬配番，有沙律醬同蜜糖芥末醬。最鐘意個雞翼有超多蜜糖!!!呢杯最細既，賣點在於會著火既檸檬，但其實又唔影響到本身要飲個d酒事。入口較似莓soda，汽多d既感覺。沙冰，入口較淡。呢杯最好，最易入口得黎又有酒精同fruitty味。因為tablemap訂座有甜品送，送既仲要係餐
唔知大家希無發覺人大左，酒量愈好，真係可以話無酒不歡？
以前細個中學同朋友仔要傾計會去樓上Cafe飲咖啡或飲台式飲品，
宜家大個啦，出黎做野就要去酒吧飲大人提子汁，飲cocktail...
有時諗下諗係唔伙酒精就代表年齡既增長？
憑住tablemap既訂位，我地又有一個相聚好地方:THE LIVE HOUSE。10點後入座小食7折，cocktail買一送一。
呢個bar o係地庫，有live band既設備,據熱心同好客既waiter(可能係經理因為著唔同衫)分享，平日係日日都有人玩下音樂咁既，晚餐時段播較平靜舒情既歌，俾客人傾下計，special event就較激昂，但由於今日星期日，所以無任何band show。
晚餐個後黎只叫了snack platter，有芝士煙肉焗薯條+魷魚圈同蜜糖雞翼，三者都達標既，而且好細心有不同既醬配番，有沙律醬同蜜糖芥末醬。最鐘意個雞翼有超多蜜糖!!!
呢杯最細既，賣點在於會著火既檸檬，但其實又唔影響到本身要飲個d酒事。
入口較似莓soda，汽多d既感覺。
沙冰，入口較淡。
呢杯最好，最易入口得黎又有酒精同fruitty味。
因為tablemap訂座有甜品送，送既仲要係餐廳招牌鐵板雪糕朱古力餅。望住d朱古力醬o係鐵板到沸騰真係好興奮，仲要陣香味都令你口水流呀
個餅係有d nuts(金莎d hazlenut咁)，雪糕雲尼那味，好夾好味，冰火交融好特別！
Post
