Video
Read full review
2008-11-11
36 views
成日同女朋友去APM睇戲都會路過呢間HIPOT，女朋友好鍾意打邊爐，猛話要試下，於是我地禽晚就去試。六點九去到食到十點幾，兩個人叫左：1個招牌湯底，1個海底椰烏雞湯底。$138套餐屯包括6隻蝦(唔識郁)、少量金菇、大量白菜仔、4舊日式魚蛋、2條平價蟹柳、4舊肥牛、4舊珊瑚蚌(有沙)、4舊薄切帶子、4舊冬菇、4舊黑椒貢丸、4舊青口(有沙)。1客紅酒墨魚丸8粒，真係有啖紅酒響入面，可惜唔覺得好食。1客脆鯇，約有6件。女朋友話好脆，我就冇食到。1客特級肥牛，約有8片。唔新鮮。總結及提示：1.相同價錢可以食到更豐富的火鍋，呢間野算貴。而且，我唔發現呢度有任何特別好食嘅野。2.一碗蔬只售廿幾蚊，呢個抵食。就我現場所見人人主要都係食菜，但係我覺得如果以食菜為主又何須一人俾百幾蚊？3.每位加十蚊任飲汽水酸梅湯蔗水仲有糖水，但係個酸梅湯超甜，蔗水冇出過場，汽水係夠汽的。十蚊叫杯凍奶／檸茶好飲Ｄ。紅豆沙及芝麻糊都係失敗之作。4.海底椰烏雞湯底打完邊爐之後飲非常好味。5.我睇旁邊Ｄ食客叫豬骨湯底似乎唔錯，好大舊豬骨俾你啜。6.招牌湯底其實就係清湯，我叫左先知o賴野。7.坐得非常狹窄及唔舒服，因為椅背只去到
六點九去到食到十點幾，兩個人叫左：
1個招牌湯底，1個海底椰烏雞湯底。
$138套餐屯包括6隻蝦(唔識郁)、少量金菇、大量白菜仔、4舊日式魚蛋、2條平價蟹柳、4舊肥牛、4舊珊瑚蚌(有沙)、4舊薄切帶子、4舊冬菇、4舊黑椒貢丸、4舊青口(有沙)。
1客紅酒墨魚丸8粒，真係有啖紅酒響入面，可惜唔覺得好食。
1客脆鯇，約有6件。女朋友話好脆，我就冇食到。
1客特級肥牛，約有8片。唔新鮮。
總結及提示：
1.相同價錢可以食到更豐富的火鍋，呢間野算貴。而且，我唔發現呢度有任何特別好食嘅野。
2.一碗蔬只售廿幾蚊，呢個抵食。就我現場所見人人主要都係食菜，但係我覺得如果以食菜為主又何須一人俾百幾蚊？
3.每位加十蚊任飲汽水酸梅湯蔗水仲有糖水，但係個酸梅湯超甜，蔗水冇出過場，汽水係夠汽的。十蚊叫杯凍奶／檸茶好飲Ｄ。紅豆沙及芝麻糊都係失敗之作。
4.海底椰烏雞湯底打完邊爐之後飲非常好味。
5.我睇旁邊Ｄ食客叫豬骨湯底似乎唔錯，好大舊豬骨俾你啜。
6.招牌湯底其實就係清湯，我叫左先知o賴野。
7.坐得非常狹窄及唔舒服，因為椅背只去到尾龍骨對上少少。
8.可以自己去混醬料係一大好處，你可以加大量生蒜炸蒜等等，隨你喜歡。
9.如能時光倒流，我唔會行入黎。
Post
