茶狼 (Closed)

一直以為APM有好多飲品店，但專登搵先發現其實唔多，而且可以歇腳嘅只得一間，就係位於地鐵層、接駁裕民坊天橋路口位置嘅「茶狼🐺」。本身諗住幫襯佢係因為有得坐，而且我想用訂座App喺佢度訂座嚟賺優惠卷😂。訂座App訂枱(下午3點半)有85折優惠，但店員好固執咁話要夠鐘先用得喎，OK咁我坐低涼住涼氣等囉...。點知我等到夠鐘去買，先知我想買嗰杯嘢飲就咁買仲平過用App折完個價😅😅😅，即係白等一場，哈哈。好彩店員無嫌我玩嘢，亦肯同我比較下點樣平啲。凍京都抹茶仙草白露茉莉茶🍵(賞味價$22)，原來呢杯做緊特價先賣$22，原價要$28。另外，茶狼嘅策略幾好，俾$4加大至700ml，基本上大部份人都會落搭😏。呢杯茶最面頭有層薄薄嘅奶蓋，睇個名唔覺杯茶有落奶🥛，但飲落有啲似抹茶牛奶再溝茉莉茶。不過我要咗半糖(50%)就真係唔多夠甜...，撈勻咗個底後變得好淡；意外地仙草同杯嘢飲幾夾！海鹽芝士奶蓋泡芙(原價$18)，嗌嘢飲就可以以優惠價$12加配。泡芙個樣整色整水😒，整枝「針筒」插落個泡芙中間，其實又無謂又無美感。撕開個泡芙一半後發現入面半空心嘅...，得勁少芝士奶蓋，注射多五支「針筒」都塞唔滿個餡啦。