八方台式麵屋 (九龍城廣場)

Open Now

Now Closed

呢間舖頭既Logo係一隻熊，我就係俾隻熊吸引左去食晚餐。舖名同八方雲集好似，但野食選擇比較多，有飯有湯麵有拌麵可吃，有好多唔同既套餐可以點。我叫左拌麵加5隻鍋貼加配芋圓奶茶。雖然奶茶我叫左少甜，但都覺得好甜，可能因為芋圓係用糖水浸住。芋圓整得細細粒，方便飲用。個麻醬拌麵幾好食架，但一邊食，一邊覺得自己係屋企都可以好容易整到出黎。見到個鍋貼，都好肯定係八方雲集啦。整體黎講，個套餐雖然望落唔係好大份，但係食落其實好飽。如果再去食，應該會試下飯同湯麵。