Video
Read full review
2019-07-16
2713 views
有個都真係幾耐無見o既朋友，上次見面o個陣佢都仲未畢業，而家已經係個才俊，年輕有為。咁約食飯當然要揀番d 符合佢身份o既餐廳啦，都係睇下steak house 或者restaurant bar 咁，最後book o左呢間bar。在場所見，平日晚上都好full，好在有book 檯。餐廳有兩層，地下較外面亦即係我地坐o既位置以粗石磚牆裝飾為主，配上高檯高凳；裡面則用上酒窖色tone，d 檯可以併做一齊成為長檯。而雖然坐唔到上層，但我之前從openrice 睇上面有住好靚o既古典大班椅，好有private clubhouse o既style！set dinner o既是日餐湯係洋蔥湯，高湯之中，突顯住洋蔥淡淡o既清甜。法式o既食法配上法包，浸透食用，令到隻包無咁硬身更易於入口。頭盤我地都叫o左半熟吞拿魚伴三文魚子，佢唔係日式o個隻用明火燒至半熟，反而係透過熟成處理，令到口感結實如煙肉，又多種芝士發酵o個類o既氣息，味道甚佳，非常推介！我地其中一個主菜點o左美式燒烤醬烤白春雞配中東米、火箭菜沙律($278 未加一)。隻雞外層泛起油光，搽上o既醬汁濃稠而惹味。中東米睇起上o黎好似d 好細粒o既米
在場所見，平日晚上都好full，好在有book 檯。餐廳有兩層，地下較外面亦即係我地坐o既位置以粗石磚牆裝飾為主，配上高檯高凳；裡面則用上酒窖色tone，d 檯可以併做一齊成為長檯。而雖然坐唔到上層，但我之前從openrice 睇上面有住好靚o既古典大班椅，好有private clubhouse o既style！
set dinner o既是日餐湯係洋蔥湯，高湯之中，突顯住洋蔥淡淡o既清甜。法式o既食法配上法包，浸透食用，令到隻包無咁硬身更易於入口。頭盤我地都叫o左半熟吞拿魚伴三文魚子，佢唔係日式o個隻用明火燒至半熟，反而係透過熟成處理，令到口感結實如煙肉，又多種芝士發酵o個類o既氣息，味道甚佳，非常推介！
半熟吞拿魚伴三文魚子
77 views
0 likes
0 comments
半熟吞拿魚伴三文魚子
78 views
0 likes
0 comments
我地其中一個主菜點o左美式燒烤醬烤白春雞配中東米、火箭菜沙律($278 未加一)。隻雞外層泛起油光，搽上o既醬汁濃稠而惹味。中東米睇起上o黎好似d 好細粒o既米飯，但其實佢唔係穀粒，而係將d 小麥粉整到好似飯咁，見佢再混以蕃茄同西芹粒一齊，連同上頭o既火箭生菜，食落健康得o黎又幾有風味。
美式燒烤醬烤白春雞配中東米、火箭菜沙律 ($278)
40 views
0 likes
0 comments
至於另一個餐，就嗌o左法式半熟鴨胸配鯷魚、牛油焗薯、車厘子汁($298)。肥美o既鴨胸內層仍然略帶粉紅，外層則煎得甘香。用上車厘子汁感覺即時high class o左一個層次，佢o既味道有d 似梅子醬o個種甜味，卻又多種生果o既果香，而雖然無寫明，佢仲附上另一隻菠蘿醬，一樣咁味美。兩小條鯷魚好重腥味同埋可能加o左少少檸檬汁，比較重口味，配上焗薯正好中和一番。
法式半熟鴨胸配鯷魚、牛油焗薯、車厘子汁 ($298)
57 views
0 likes
0 comments
跟餐有個小小甜品麵包布甸，蛋香唔錯，本身亦都唔會過甜。小小一間bar 都能整出decent o既多國菜，雖然價錢屬於中上，但仍然都幾值得。
Post
