Video
Read full review
2022-08-04
370 views
正日生日飯揀咗 Bifteck，作為 Le Reve 嘅姊妹餐廳，精緻度有過之而無不及，店名係法文中牛扒嘅意思，單刀直入主打靚牛 ✨ 主廚糅合法日兩地嘅烹調手法，利用新鮮紫菜、白松露同味噌等特色食材入饌，除咗某道菜，可以話係頗有驚喜嘅 Fine Dining 🍽‣ Focaccia | Brioche | Seaweed Tempura麵包自家手製，配 Miso Butter 夠特別。‣ Fresh Oyster “Three Ways” | $2581️⃣ Wagyu Tartare 加入同樣切碎嘅蠔肉，兩者質感驚人地相似 🙀 軟嫩得難捨難分，以魚子醬點綴增添鹹鮮味，好創新嘅處理手法！2️⃣ Yuzu Salsa 以洋蔥、番茄、青瓜碎製成 🍅🥒🧅 柚子嘅酸中和咗蠔獨有嘅鏽味，易入口之選。3️⃣ 炸蠔天婦羅粉漿中混入新鮮紫菜，有陣隱約嘅青草香 🌿 配以泡菜蛋黃醬同三文魚籽，大玩 Fusion 混搭 😝‣ Artichokes Soup | $88用咗香港人唔太熟悉嘅雅枝竹，奶白色濃湯打成豐盈泡沫，Creamy 中嘗到蔬菜嘅清甜 🥰 刨上滿滿嘅新鮮白松露同松露油，單憑賣相已經矜貴過人 ✨‣ Oxta
‣ Focaccia | Brioche | Seaweed Tempura
麵包自家手製，配 Miso Butter 夠特別。
‣ Fresh Oyster “Three Ways” | $258
1️⃣ Wagyu Tartare 加入同樣切碎嘅蠔肉，兩者質感驚人地相似 🙀 軟嫩得難捨難分，以魚子醬點綴增添鹹鮮味，好創新嘅處理手法！
2️⃣ Yuzu Salsa 以洋蔥、番茄、青瓜碎製成 🍅🥒🧅 柚子嘅酸中和咗蠔獨有嘅鏽味，易入口之選。
3️⃣ 炸蠔天婦羅粉漿中混入新鮮紫菜，有陣隱約嘅青草香 🌿 配以泡菜蛋黃醬同三文魚籽，大玩 Fusion 混搭 😝
‣ Artichokes Soup | $88
用咗香港人唔太熟悉嘅雅枝竹，奶白色濃湯打成豐盈泡沫，Creamy 中嘗到蔬菜嘅清甜 🥰 刨上滿滿嘅新鮮白松露同松露油，單憑賣相已經矜貴過人 ✨
‣ Oxtail Soup with Seasonal Vegetables | $98
先放好已拆肉嘅牛尾，伴以炙燒過嘅豆腐、櫻桃蘿蔔、白蘿蔔，露筍等時令蔬菜 🥕 店員即席用茶壺將湯斟到碗中 🫖 視覺享受完味道又點呢？麵豉湯調味鹹得嚟略嫌單調，完全蓋過牛尾湯嘅香氣，唔太推薦 🫣
‣ Boston Lobster French Barley Risotto with A4 Wagyu Carpaccio | $308
先聲奪人嘅和牛刺身已經贏咗一半，帶有煙燻味嘅生牛肉十分嫩滑 🥩 包裹住薏米煮成嘅燉飯事半功倍，每啖都有龍蝦肉，肉質亦處理得剛剛好 🦞 調味略微過甜，但仍然好食。
‣ Steamed Manila Clams with Uni Miso Sauce | $208
嬌嫩欲滴嘅蜆肉粒粒飽滿 🐚 海膽醬汁加入新鮮紫菜同味噌，熱辣辣嘅紫菜布里歐酥香鬆軟，沾上鹹香鮮甜嘅醬汁正到痺 🤤 連伴碟嘅珍珠洋蔥同油浸車厘茄放上麵包都係一絕，食到手指都吮埋！👅💦 能夠將咁多種元素完美平衡，盡顯主廚巧思，係幾近完美嘅呈現 💯
‣ Roasted Slow Cooked Miyazaki A5 Rump with Wagyu Consonmé | $698
店內最有特色嘅日本雪室熟成和牛，以低溫熟成產量稀少，選用 A5 等級和牛後腿肉進行慢煮，佐以牛骨清湯 ♨️ 經店員大力推薦，咁一定要試試佢啦！老實講餐飯食到大半都好滿意，但唔好意思呢個係極失望 💔💔 望落Pinku Pinku 咁，但一切落去已經覺得唔對路，一個字——韌！兩個字——好嚡！😩 食到大半忍唔住同經理反映返，佢都呆咗幾秒先話「吓？韌？慢煮嚟㗎喎..」我都想講吓…. 為咗唔浪費呢七嚿水堅持食晒，真心咬到牙骹都軟，嬲啊！😂
‣ Roasted Bone Marrow | $168
土豪風 Side Dish，手臂咁長嘅牛骨髓放上幾種菇菌，鋪上芝士碎、麵包糠同香草同焗，食落香口但可以想像到啲肥膏有幾油膩 🤪
‣ Mango Sake Kasu | $78
慢煮牛嘅悲傷全靠甜品扳回一城，我最愛嘅呂宋芒製成雪芭 🥭 酒粕啫喱米香醇厚，配上脆脆 Crumbs、軟滑奶香 Mascarpone Cheese 同紫蘇花，莫名有種芒果糯米飯嘅味道，超鍾意！😍
‣ Sakura Espuma | $88
櫻花泡沫柔滑細膩 🫧 嗒真啲會食到淡淡嘅鹹味，相信係由鹽漬櫻花而來 🌸 伴以糖漬草莓，少女味滿瀉 💕
📍 Bifteck
灣仔皇后大道東 202 號 QRE Plaza 23 樓
Post
