Video
Read full review
2014-07-28
1193 views
這是生命遇上生命的一天 原本想去買狗糧，起身太肚餓要搵野填填肚。女朋友 諗起我曾經提議去依度食，一於會一會依隻litte devil。去到門前，俾出面一大班人嚇親。依隻 "小魔鬼" 只可以算係街坊鋪頭，都有咁多人排隊 女朋友 好體貼，先到達去左拎位 。女朋友 話等位時間係 "零" 分鐘，因為我地坐既吧枱位無咩人坐。吧枱位對正街外，可以望下街外都幾好。可惜背對街外坐就太過窄，好難坐到人 入邊有好多隻"小魔鬼"，色調清淡而簡約，相信裝修方面有落左少少心機。完全離晒題，入返正題先 係7月炎夏汗流浹背既情況下，入到依度待應送上一杯凍水，真係透心涼 開心死 我地叫左兩個餐開心share~1) Egg Benedict All Day Breakfast2) Risotto Smoked Duck Breast in Cream Cheese Sauce可以轉特飲，只要跟特飲價錢減十蚊就可以啦一個快樂的一天又此Brunch展開~Egg Benedict 先上，正常既配搭，女朋友最鐘意佢既蕃茄，夠新鮮。egg benedict 配牛角包一流 不過有牛角包既食物都係好好食啦 不
原本想去買狗糧，起身太肚餓要搵野填填肚。女朋友 諗起我曾經提議去依度食，一於會一會依隻litte devil。
去到門前，俾出面一大班人嚇親。依隻 "小魔鬼" 只可以算係街坊鋪頭，都有咁多人排隊 女朋友 好體貼，先到達去左拎位 。女朋友 話等位時間係 "零" 分鐘，因為我地坐既吧枱位無咩人坐。
吧枱位對正街外，可以望下街外都幾好。可惜背對街外坐就太過窄，好難坐到人
入邊有好多隻"小魔鬼"，色調清淡而簡約，相信裝修方面有落左少少心機。
完全離晒題，入返正題先 係7月炎夏汗流浹背既情況下，入到依度待應送上一杯凍水，真係透心涼 開心死
我地叫左兩個餐開心share~1) Egg Benedict All Day Breakfast
2) Risotto Smoked Duck Breast in Cream Cheese Sauce
可以轉特飲，只要跟特飲價錢減十蚊就可以啦一個快樂的一天又此Brunch展開~
Egg Benedict 先上，正常既配搭，女朋友最鐘意佢既蕃茄，夠新鮮。egg benedict 配牛角包一流 不過有牛角包既食物都係好好食啦 不過個egg benedict個汁唔似荷蘭汁；2條腸就正正常常，無咩特別。整體黎講，用依個價錢試下都還可以 (Mark: 6.5/10)後上既係忌廉汁意大利飯，啱晒我依個飯桶
好多忌廉汁，好creamy。份量細細，雖然唔太飽，不過至少會健康少少 煙鴨胸都係正正常常，無咩特別，碟邊有黑醋做裝飾，可以點鴨胸食。（分數：6.5/10)
最後叫左兩杯凍ot，檸檬放得都好有心思，可惜無影相。
為左下一場ｃａｆｅ大戰，甜品就無試到啦。雖然之前係俾佢甜品吸引而黎
依隻"小魔鬼"算係普通飯堂，正餐試一次就夠XD
有機會可以只係試下甜品XD
Other Info. :
雖然位於勝利道寵物街，不過無室外坐位用餐感覺不太舒服。香港太多餐廳無室外坐位同愛犬用餐係一個遺憾。就算地方幾好，幾好食，都會扣少少分。如果有多少少地方可以同愛犬一齊去品嚐美味就好啦。
(The above review is the personal opinion of a user which does not represent OpenRice's point of view.)
Post
