紅火鮮料火鍋專門店

Open Now

Now Closed

無錯！又去旺角開飯…約左朋友通常都揀去旺角，唔知食乜又係離不開打邊爐韓燒，呢次呢間就有齊中日韓放題，火鍋韓燒壽司刺身炸物等等，一次滿足n個願望。揀左中韓放題任飲任食120分鐘，火鍋同韓燒，所以就各一個爐。🔅火鍋揀左花膠雞湯底，有半隻雞，花膠好大塊，湯都幾鮮甜唔錯。🔅韓燒燒第一輪既肉幾好食，但燒完已經燶左，叫店員換網仲俾佢串叫我地唔好放中間燒，睇下youtube都應該會識😱。好啦咁聽佢講放側邊燒😬，咪又係側邊燶。善意提醒當然無問題，我地都係第一次黎，點知你個爐係點，但老實講咁既態度真係唔太接受😐。🔅海鮮蒜蓉扇貝ok，雖然比較細粒。送既海鮮拼盤都ok。🔅肉類得第一輪好食，之後再叫既都普通。羊架雞軟骨可能我無牙力，咬唔到。🔅飲品 & 甜品野飲都多選擇，好大路。大阪牛乳既雪糕未試過，拎左幾隻味試，不過都係一般。💬食物普通，最好食係燒菠蘿。埋單每人約$300，唔算貴，但店員服務態度一般，唔會再encore。