茶餐廳2.0 (Closed)

今晚無煮飯，我想食雞煲佢又想食炒菜，又話要食埋甜品先返屋企，好在呢頭有間餐廳有齊，唔係就要騰來騰去啦！有鑊氣西蘭花炒帶子，跟個飯仲有湯，岩哂女友。直頭酒樓水準但呢個價錢份量又唔少喎！麻辣雞煲幾正！沙沙聲滾下炒下，成間餐廳都比我….個雞煲陣味吸引到😆。咁熱女友叫左杯柚子蜜梳打，食住雞煲飲落又幾爽！試問邊度有堂食$15底雞蛋仔，有蛋香味，外脆裡面有個雞蛋仔心，整得專業。心太軟配雪糕，朱古力味濃而唔會太甜，雪糕同暖嘅心太軟一齊食最正，平平地滿足正餐同為食嘅心。