包羅萬有(萬友)火鍋 (Closed)

我好鍾意打邊爐😋呢日同朋友響銅鑼灣行街，經過呢間「包羅萬有」任食打邊爐。見到都唔錯，價錢又平，只係$150！！又見到晚餐時間，一於去試吓😋上到去餐廳，環境都唔錯，地方闊落。坐低之後，見到原來係一人一鍋！尤其依家疫情，一人一鍋真係唔錯👍🏻👍🏻湯底都好多選擇，我揀咗正宗越式牛骨湯。而我朋友楝咗溫補椰子雞湯。每款湯底都好足料，正宗越式牛骨湯入面好多牛肉同白蘿蔔，味道清甜，牛肉意想唔到既嫩，因為通常已經餚到會乾柴，但係呢個唔會👍🏻。而我朋友既椰子雞湯滾起既時候就傳出好大陣椰子雞味，超香😍每一位都會附送一碟蝦，d蝦唔錯，鮮甜，肉質爽脆😋，另外，全部食物都要出去食物區到自取，每款食物都放響雪櫃度以保持新鮮👍🏻食物款式都有幾多：豬丶牛丶雞丶羊丶蜆丶牛柏葉丶豬紅丶丸丶魷魚丶多款蔬菜等，仲有熱食同唔同種類嘅飲品。每款肉類都唔錯，都幾嫩滑👍🏻。而蜆肉仲好飽滿😋同好大隻😆食完之後梗係要食個甜品黎完結今餐啦🤣，我「筆」咗芋頭味同朱古力味嘅雪糕😋食完之後真係好滿足😌