Casa Fina Seafood & Oyster Bar (Closed)

天氣唔好，心情唔好，唯有大食特食生蠔！！！今日去左呢間Casa Fina Seafood and Oyster Bar,之前都食過，我幾中意呢間，所以強行拉左位朋友陪你食😂😂首先，我地叫左買一送一既生蠔，因為唔係好識生蠔，所以餐廳幫我地選擇。侍應送上生蠔後，待應好快講出每隻生蠔名字，但其實講完都聽唔切☹️不過，我記得我地叫左2款蠔，侍應話一隻味道會淡d、一隻味道係濃d咸d，仲同我地講生蠔應該從淡味至濃味咁食。整體食落去我覺得生蠔幾新鮮，,有濃濃海水味超爽口，食完之後口內有蠔的回甘味👍🏻👍🏻另外，我地都叫左Sautéed Clams 白酒羅勒煮蜆，我真係好中意食海鮮，而呢個既味道去都好中意，d蜆比平時食果d大隻好多，隻蜆好有咬口，而汁裡面有好香酒味同羅勒，好惹味👍🏻不過份量少左d，呢一碟完完全全可以一個人食哂😂主食方面我地叫左Hokkaido Scallop Risotto With Ink Sauce，帶子墨汁燴飯吧，通常同好熟既朋友先會食墨汁野😂haha呢個Risotto有超大隻既北海道帶子，味道鮮甜，佢既面層有少少道煎香左，食落去裡面既肉質軟滑不會太熟。墨汁唔會腥，連飯一齊食岩岩好。