珀麗心軒 (Closed)

星期日9點開，1030去到都未有人，裝修唔錯，似食日本野多過似飲茶，有個托盤，每人一壺茶，每碟點心都係一件。佢地標榜唔用味精唔用豬肉，d野都幾淡，蝦無蝦味雞無雞味，係件鵝酥終於有d鵝味。d野造型唔錯賣相都靚，素菜會做得好過肉類好多。d菇做得非常滑，值得一讚。煎堆同木瓜布丁都唔錯，有特色。不過d茶就差絕，一d都唔值....好唔掂，無茶味，哎，重學人收咁貴。d侍應4個都係高大後生，無乜禮貌，手腳慢，錯單，無反應，普通茶樓伙計好過佢地。個menu都奇怪，有d mark有個太陽，話只做午市，咁上午9點算唔算午市？如果寫晚上6時後停止供應就唔會有誤會。2個人食十多碟野，$400飲個早茶有d咁服務真係唔多高興。