燈籠滷味 (登龍街) (Closed)

見到冇人排隊，可以試一次人氣滷味店。好似香港嘅車仔麵咁可以自由配搭，不過麵食嘅選擇比較少。附送海苔粉加埋入紙袋一齊搖，每一粒都沾滿海苔粉，呢個好推介，粉漿超級薄，每一粒雞塊非常鬆脆，好Juicy。主食就...有d失望，湯底偏鹹而且冇乜特別，烏冬浸到非常軟，冇咗稻庭烏冬應該有嘅口感。通常車仔麵嘅蘿蔔入晒味都唔係好好食，但呢度嘅蘿蔔好似得個鹹字，杏鮑菇剪得太薄，索晒啲鹹味。粉絲=冬粉，更加索哂湯汁，非常鹹，不過鴨血幾好，有台灣風味。