十八夢

佢既野食唔係唔好食，味道擺盤都可以，但服務九流！由落單已經勁黑面，問佢有冇OpenRice 相入面既菜式，有個C字既女侍應問咩都唔想答，黑晒面。然後每食完一道菜，啲侍應趕收野，有個刺身拼盤我哋仲有兩件，仲不停勁惡問食咪食完🤔我哋見在場得幾枱客，同埋先係7點幾，點解咁急不停問，趕下一輪？但係去到9點都無下一輪出現。另外我哋訂咗生日甜品拼盤，見另一枱有幾個decorations ，但我哋得一個，就問點樣先可以有幾款。有個綠色衫既男侍應唔答唔應，我哋一直等都唔答，佢幾分鐘後先叫我哋問另一個人。另一個人又話要再問另一個，一個咁簡單問題都推左幾個人。而個男侍應問完直接係我哋面前反白眼🙄️最後埋單個C女侍應 又出面，拎左vouchers 俾我哋，問佢係咩佢話係合作夥伴既vouchers ，佢唔知。打開再問佢內容，佢話我見到係咩就係咩，字面意思🙃，仲反白眼同掉單。然後計單又錯，計多咗$1100，話唔小心入錯。其實都好難唔小心入錯$1100！我哋臨走問經理咩事，點解佢同事咁樣，佢話個同事黎m…黎m 就可以咁樣？