峰壽司 (Closed)

之前聽到好多人話峰壽司啲壽司好好味，前晚同多多終於有機會試下喇，我哋夜晚十點半左右先去，冇人排隊，非常好﹗我哋都食咗幾多嘢:-三文魚壽司ｘ２—幾新鮮，不過好似未解好凍咁，仲有唔知做乜要放啲洋蔥同蔥絲喺上面，畫蛇添足。甜蝦剌身—賣相幾好，但唔係太新鮮。炸蠔—雖然不及和花亭嘅大，但係好有蠔味好ｊｕｉｃｙ，唔會「乾爭爭」。蛤仔湯ｘ２—睇餐牌以為係奶白色嘅海鮮湯，點知原來只係幾隻蜆仔加開粉嘅麵豉湯，不過味道都ｏｋ。炸墨魚軟骨—口感幾特別，不過略嫌黑椒味太重，完全將墨魚嘅鮮味遮蓋。軟殼蟹卷—超級好味，卷面鋪滿好鮮味嘅黑魚子，冇得彈，一定會再試。墨魚壽司—一般，冇驚喜。鹽墨魚壽司—冇乜特別。親子卷—幾好味，三文魚子一啲都唔覺腥。龍蝦膏甜蝦壽司—同甜蝦刺身冇乜分別。蟹柳壽司—好好味，估唔到蟹柳刺身可以咁好食，鮮甜到好似食緊真嘅蟹肉咁。總括嚟講，味道不錯，比元綠元氣好好多，不過啲豉油好鹹。