Video
Read full review
2018-09-16
345 views
多謝同事既好介紹，等我可以試到一間咁高質既樓上 Causal Fine Dining。說起 Fine Dining ，好多時候我地既腦海都會閃過五星級酒店，或者高級商場既頂樓，配襯既，多數都係一杯靚既紅／白酒，席上既，都係打扮四正既上流社會人仕。但係換來既，可能會係食到比較拘謹既氣氛，甚至乎，講野都要細細聲，保持儀態。但係近年，其實都多佐唔少新式既Causal Fine Dining ，佢地既價錢都相對便宜，食物質素亦都非常好，而今次呢間新開既餐廳，絕對附合 Causal Fine Dining 既要求。餐廳位於銅鑼灣既一棟商業大廈之上，位置不算好找，也沒有誘人的宣傳牌，所以認識她的人，也相對不多。步入餐廳，眼前的卻是一望無際的煙花維港景，個人覺得呢個 View 真係好過好多酒店。打開餐牌，基本有5個Course 或者 6 個course ，2個選擇，亦都可以配上Wine Pairing ，加 $388-$508不等，即係基本既價錢就係 5 course - $588/ $974 (with wine pairing), 6 course - $688/ $1196 (with w
說起 Fine Dining ，好多時候我地既腦海都會閃過五星級酒店，或者高級商場既頂樓，
配襯既，多數都係一杯靚既紅／白酒，席上既，都係打扮四正既上流社會人仕。
但係換來既，可能會係食到比較拘謹既氣氛，甚至乎，講野都要細細聲，保持儀態。
但係近年，其實都多佐唔少新式既Causal Fine Dining ，佢地既價錢都相對便宜，食物質素亦都非常好，而今次呢間新開既餐廳，絕對附合 Causal Fine Dining 既要求。
餐廳位於銅鑼灣既一棟商業大廈之上，位置不算好找，也沒有誘人的宣傳牌，所以認識她的人，也相對不多。
步入餐廳，眼前的卻是一望無際的煙花維港景，個人覺得呢個 View 真係好過好多酒店。
打開餐牌，基本有5個Course 或者 6 個course ，2個選擇，亦都可以配上Wine Pairing ，加 $388-$508不等，即係基本既價錢就係 5 course - $588/ $974 (with wine pairing), 6 course - $688/ $1196 (with wine pairing) 。
而以 Fine dining 來說，佢既選擇都真係幾多，無論係 Starter, Soup, Pasta, Main Course, Dessert ，佢都有得揀，所以揀既過程都真係要用上唔少既時間，而今日我地2個黎食，最後既就緊係可以 share 食，可以試到多d野。
揀好佐6個course 既餐，我地就開佐支Champaign，店員用了冰桶幫地冰住支酒，Refill 既時間都好快手，抵讚。
Cold Starter
首先黎到既係Cold Starter，分別係Smoked Scottish Salmon with Garden Salad(蘇格蘭三文魚配田園沙律)，同埋Japanese Top Grade Abalone (南非鮑魚配蘿蔔 青瓜)。
三文魚食得多，但係多數都係食日本或者挪威既款式，今次呢款蘇格蘭既比較厚身，挺身，同埋偏咸，食落個口感有D食緊扒。
而南非鮑魚固然夠哂出名，佢仲要有2塊，2個人share就岩岩好，食落夠爽夠彈，鮑魚汁唔會太濃，可以用心細味鮑魚既質感。
Hot Starter
接著而來既係Hot Starter ，2款分別係Pan-seared Hokkaido Scallop with corn Puree and Garden Lettuce (北海道帶子配粟米蓉)，同埋Foie Gras with red wine Poached Pear, and Toast (法國鵝肝配紅酒梨)。
北海道帶子都幾大塊，廚師把帶子的表層用火鎗燒得焦香，做成外脆內軟的效果，亦都帶出佐帶子既鮮味，而配上既粟米蓉都幾特別，好似多佐款湯飲一樣，旁邊還有Parma Ham作為配菜。
法國鵝肝可算係Fine Dining 既必備，特別係法式既 Fine Dine ，呢塊鵝肝都真係好大塊，入口即溶既口感，絕對讓人印象深刻。
Daily Catch
然後來到既係Fresh Seafood of the Day (即日新鮮海鮮)，廚師會用上每日最當造既海鮮去主理，有D似日式既Omakase 。
而今日既主角，就係即日上水既鱸魚，配上白酒忌廉汁，最特別之處在於店員放低碟魚之後，又叫我地唔好食住，原來好戲在後頭。
店員拿來一枝意大利啤酒醋，再用噴嘴 spray 出，好香，亦都好有特式。
魚肉比較挺身，味道鮮甜，好好味。
Soup
之後來到湯既部份，有2款可以揀，分別係Creamy Corn Soup (粟米湯) ，同埋Daily Soup (牛肝菌)。
Daily Soup 用佐4款不同既 菇 ，再加上牛肝菌去製，飲落比較清。
而另一款既粟米湯就特別用上北海道3.6牛乳加入，令個湯更滑更香。
Pasta
到了Pasta 部份，2款分別係 Wild Mushroom and Black Truffle Slice Pasta (黑松露雜菌天使麵) ，同埋Daily Pasta (法國藍青口 配辣椒扁意粉)。
黑松露雜菌天使麵 ，上面放有有原片黑松露，極盡華貴，店員再用原個芝士去一下一下咁批出芝士粉，份量可因自己口味加減，十分邪惡。
法國藍青口 配辣椒扁意粉既既意粉就用佐白酒煮過，帶有酒香酒甜味，配有蒜粒，肉碎，洋蔥，口感豐富。
Main Course
主菜可以3揀2，我地就揀佐Pan-seared Slow-cooked Iberico Pork with Crispy Chips, Lentils and Daily vegetables (西班牙黑毛豬)，同埋Sous-vide USA Prime Black Angus Tenderloin (美國頂級殻飼牛)。
西班牙黑毛豬夠哂高貴，個人喜歡生一點，因為高質既黑毛豬係可以當牛咁食既， 配上了燒汁，肉質係 Juicy ，肉味夠哂香同厚身，佢配有蕃薯片， 蘋果片，再加上紅豆蓉。
另一款既美國頂級殻飼牛亦都係配上燒汁，牛味好濃郁，5成既熟度剛剛好，切落去有豐富既肉汁，配有 粟米蓉和 黑松露薯蓉。
Main Course 完結，店員就為我地拿來一杯酸性水果沙冰，清一清味蕾，在咸點和甜點中間作出調節。
呢杯沙杯加入了peach liqueur，酒香和酸度很夾。
Dessert
甜品同樣有2款可選，分別係Uji Match Panna Cotta with Japanese Red Bean and Almond Ice-cream，和Notte Tiramisu。
抺茶奶凍既奶味比較重，質感係細滑既，配上杏仁雪糕同埋 酒啫喱，口感獨特， 特濃朱古力慕絲有畫龍點睛之效。
而另一款Notte Tiramisu，亦都加入了廚師的創意，在意大利芝士餅上加了tiramisu coffee liqueur，令到佢既咖啡味更重，酒味更濃。
Cocktail
和店員談天間發現原來餐廳都有一d特別既cocktail，係佢地自己調配既，所以只此一間，其他地方都飲唔到。
三款Cocktail各有特色:
呢款被店員形容為華麗，但酒精極濃既Cocktail，用了多款咖啡酒加上 南喬，香草酒等等，製作既過程還加入洪洪烈火特效，非常吸引。
而另杯酒既關鍵在於要一口飲哂，因為如果一口飲唔哂，相信無人會想再喝第一口，哈哈，酒精濃度真係由鼻散發出呀。
第二杯就用佐咖啡酒 花味同埋香華味既liqueur 等等，比較容易入口，同樣有特效，店員為她 面頭曬糖，再 用火燒到焦香，厚厚既泡令杯飲品更綿更有張力。
第三杯就加佐南喬香橙酒紫羅蘭liqueur等等，杯底有啫喱，中間再插一枝香草，用燈照射下極為漂亮，飲落有波子汽水既感覺。
的確有時食餐飯都想Relax 一點，但餐廳的氣氛又同樣重要，而呢度既輕鬆環境加上無敵海景，實在讓我過了一個愉快的晚上。
Post
