山旮旯 (Closed)

一個氣氛超好既地方，真係好適合聚會，過生日～個日去到都有幾台係咁好過生日，職員會送生日歌祝福，而全場就餐既人都會幫手唱生日歌，真係好有氣氛有愛啊～唔怪得咁多人book 台等位啦～凱撒沙律份量都幾足，因為都點好多肉，驚膩就點左一個健康之選🤣，到最後係大家最鍾意食既一個～和風鰻魚熟蛋薄餅一個人吃第一塊基本上已經夠了，可能因為想試下鰻魚係披薩會唔會有新既感覺，其實都幾好，不過係覺得鰻魚配飯會好d，可能係因為佢d鰻魚醬汁太多，會膩～但我幾鍾意佢個熟蛋，而我朋友比較鍾意佢個薄餅，而我覺得佢個餅有d厚唔夠薄😂食落去都滯～ 女仔來講，細食又未到好鍾意pizza既話就考慮下其他口味啦～～ 如果人多指分一塊嚐鮮我覺得係可以試～點左一口牛肉粒，大家要趁熱食呀～好快就凍，之後個口感就會變得麻麻～點左豬肉雞肉串，仲有泰式雞扒～d串口味都係比較偏重，比較入味雞扒脆爽有口感，又唔會太老～點左一杯伯爵奶茶，牛油果奶昔我個杯牛油果幾好，健康都清新～