Schnee German Restaurant (Closed)

今日係Happy Friday，同個朋友諗住食餐好d 嘅，我地就揀左呢間位於銅鑼灣樓上鋪嘅德國西餐廳。呢間餐廳都幾旺場，如果唔係事先book 左位，都唔知要等幾耐先有位。我地冇乜主意食乜，店員就推薦左幾款招牌菜。首先黎兩個湯，我點左個清雞湯，入面有大大粒嘅scallop同埋蝦球雞粒，同埋好多蕃茄粒配菜，味道清甜。朋友點左個匈牙利紅燴牛肉湯，入面有豐富嘅牛肉粒，朋友形容味道十分特別，有別於平常飲嘅牛肉湯，味道濃郁得來又不會太俗味。飲完兩個湯後，店員上左個頭盤，就係來自北海道嘅scallop 刺身,刺身上面鋪滿了細細嘅蕃茄粒，味道酸酸甜甜，整體感覺好淸新。第一個主菜來了，係令人嘩一聲嘅德國咸豬手，餐廳已經事先將豬手肉切哂出來，方便客人進食。另外個豬手皮整得好香脆，連juicy 嘅豬手肉一起食，口感的確一流。至於個份量就好足夠三至四個人食，我地兩個食唔哂最後要打包。第二個主菜就係鯛魚配黑松露薯蓉。脆薄嘅鯛魚皮連同厚滑嘅鯛魚肉，一啖一啖品嚐，滋味無窮；而個黑松露薯蓉黑松露用料十足，薯蓉十分香滑，非常美味。甜品方面我地點左兩個不同味道嘅cheese cake，兩個cheese cake 味道各有