Video
Read full review
2018-01-08
1242 views
上星期五晚，同陳小姐到銅鑼灣搵食，本來想去溫野菜，佢到有個夜晩自助餐，想試好耐。不過，行行下又行到登龍街，見到金朝陽大廈咁多花牌，又貼左張麻神開張海報，我哋好奇咁走上25樓睇下啦。原來係麻神第一日開張，當然機不可失，走入去問受唔受街外客。佢哋又話得，我哋安排咗坐喺一張四人枱。見到周圍裝修都黑媽媽，睇落走高格格調。點知黑至坐低後好耐都無人招呼，等咗好耐要叫要揮手先有人走過來拾枱同畀份menu我地。睇一睇，真係好鬼貴！淨係個湯底都二百幾蚊，咁係兩位份。如果多個兩位，就每位加銭。嚟到，一定叫個麻辣湯底啦！之後，叫埋牛肉啦、各種餃子啦、各種丸啦、響鈴喇、魚皮啦。海鮮就無叫，都唔係我同陳小姐杯茶。等咗一陣間，個麻辣湯底到咗，佢哋好認真話個湯底完全冇味精，所以滾咗之後可以飲，品嘗完之後 才食湯中的鴨血。大嗱嗱成個煲，得兩嚿鴨血，懶係驚貴咁！仲話要用刀叉食添？！佢咁講梗係有d期望，陳小姐懶理得佢用筷子一夾，現型！舊鴨血嘅質感同埋食完之後嗰種感覺，真係不外如事，比另外一間仿台灣火煱叫養X仲比下去，真係巧失望！又話用刀叉食，都係雷聲大雨聲小。置於，佢嘅麻湯底係又幾特別，其實真係可以當湯飲 。過咗一排餃子
等咗一陣間，個麻辣湯底到咗，佢哋好認真話個湯底完全冇味精，所以滾咗之後可以飲，品嘗完之後 才食湯中的鴨血。大嗱嗱成個煲，得兩嚿鴨血，懶係驚貴咁！仲話要用刀叉食添？！佢咁講梗係有d期望，陳小姐懶理得佢用筷子一夾，現型！舊鴨血嘅質感同埋食完之後嗰種感覺，真係不外如事，比另外一間仿台灣火煱叫養X仲比下去，真係巧失望！又話用刀叉食，都係雷聲大雨聲小。置於，佢嘅麻湯底係又幾特別，其實真係可以當湯飲 。
過咗一排餃子到，我哋本來叫咗個餃子拼盤，佢地張個拼盤放低就算，我哋之後先發現八隻餃子拼盤得菜肉餃同雲吞，其他兩款啦？我哋覺得奇怪問一問，頂，佢地先話有一種餃子賣晒，所以就未問過我地畀兩款當搞定我哋算，完全接受唔到囉！我哋梗係退返d餃子！餃子拼盤就百幾蚊四款八粒，一款餃子就八十幾蚊八粒，算一算騙你幾十蚊，雖然係細數，打開門做生意都唔好呀！
四款丸冇乜特別。響鈴六十幾蚊就得四舊，十幾蚊一個unit又唔見得有咩特別好食，淨係知道好簿好細，放落口完全唔覺食過嘢！
至於牛肩脊呢叫咗300 gram，睇落個樣都OK，起雙飛切法。可惜呀，牛肉落咗落個湯底度，你會覺得係個湯底弄熟d牛肉罷了，湯還湯、牛肉還牛肉，牛肉毫無麻辣湯味，好似唔係好match ，應該係個湯底唔夠力唔夠穿透性，所以咪好似之前講咁，focus on當湯飲。唔通我以後同人講我去麻神飲湯咩。至於餃子，我哋最後揀咗雲吞order。不過，食完啲牛肉都未到。唉，唯有取消佢啦。可能係第一日開舖，全部都混亂，或者非常混亂！
四碟嘢加個湯底食咗七百幾蚊，我地唔介意貴，貴得嚟有咁質素無問題，又唔係食唔起。不過，麻神就真係有d唔得啦！
我同陳小姐都話，冇下次喇！佢最好就係畀咗個機會我哋食完埋單後，嗱嗱啉落去食番碗有quality保証的拉麵！拉麵好食過乜神物神多多聲！
麻辣湯底
$228
66 views
0 likes
0 comments
牛肩脊300g (起雙飛)
$338
45 views
0 likes
0 comments
響铃
$68
35 views
0 likes
0 comments
鴨血
46 views
0 likes
0 comments
Post
