Video
Read full review
2022-04-24
639 views
晚市開翻一定要食翻餐好今次揀左位於銅鑼灣日式餐廳叫左$1380個set omakase☺️餐廳設有吧檯、和式房🌿每款食物都非常精緻有心思款款都用左日本食材‼️唔少款式用上魚子醬整體食物好高質素職員服務亦非常好令人仿如去左日本🇯🇵有賓至如歸嘅感覺🔸前菜-沖繩水雲、螢光魷魚🦑、牛蒡條-3道都屬於冷盤，水雲口感同海帶相似，沖繩水雲含有褐藻素有助保護腸胃，亦非常低卡路里。螢光魷魚🦑食落Q軟彈牙，鮮味突出！牛蒡條爽口甜甜地，好有咬口。🔸磯煮-磯煮鮑魚-用上醬汁及昆布慢火去炆，令肉質保持鮮嫩彈牙，又可讓濃郁湯汁鎖住係鮑魚內。最貼心係鮑魚已預先切左一片片🥰🔸刺身4品-平鯛刺身-刺身上盤次序都係有心思，先上左一碟平鯛刺身配柚子醋，非常鮮甜，完全無腥味。而且，鯛魚係高蛋白低脂肪嘅白身魚類！不得不讚師傅嘅刀工，每片都好薄，晶凝通透，配埋柚子醋更能帶出鮮味。-平鯛刺身三口味-由淡味至濃味都有😆有單一平鯛刺身、平鯛刺身配辣蘿蔔蓉、平鯛刺身配海膽魚子醬。辣蘿蔔蓉唔係好辣，不過本身蘿蔔鮮甜，配埋平鯛一齊食口感更豐富！另一款用平鯛卷住海膽，面頭加上魚子醬，用料矜貴，海膽creamy好似去左日本食咁😍加埋魚子醬真係太幸福
今次揀左位於銅鑼灣日式餐廳
叫左$1380個set omakase☺️
餐廳設有吧檯、和式房🌿
每款食物都非常精緻有心思
款款都用左日本食材‼️
唔少款式用上魚子醬
整體食物好高質素
職員服務亦非常好
令人仿如去左日本🇯🇵
有賓至如歸嘅感覺
🔸前菜
-沖繩水雲、螢光魷魚🦑、牛蒡條-
3道都屬於冷盤，水雲口感同海帶相似，沖繩水雲含有褐藻素有助保護腸胃，亦非常低卡路里。螢光魷魚🦑食落Q軟彈牙，鮮味突出！牛蒡條爽口甜甜地，好有咬口。
🔸磯煮
-磯煮鮑魚-
用上醬汁及昆布慢火去炆，令肉質保持鮮嫩彈牙，又可讓濃郁湯汁鎖住係鮑魚內。最貼心係鮑魚已預先切左一片片🥰
🔸刺身4品
-平鯛刺身-
刺身上盤次序都係有心思，先上左一碟平鯛刺身配柚子醋，非常鮮甜，完全無腥味。而且，鯛魚係高蛋白低脂肪嘅白身魚類！不得不讚師傅嘅刀工，每片都好薄，晶凝通透，配埋柚子醋更能帶出鮮味。
-平鯛刺身三口味-
由淡味至濃味都有😆有單一平鯛刺身、平鯛刺身配辣蘿蔔蓉、平鯛刺身配海膽魚子醬。辣蘿蔔蓉唔係好辣，不過本身蘿蔔鮮甜，配埋平鯛一齊食口感更豐富！另一款用平鯛卷住海膽，面頭加上魚子醬，用料矜貴，海膽creamy好似去左日本食咁😍加埋魚子醬真係太幸福了😆
-蟹籽魷魚-
好欣賞個擺盤，係魷魚界花而且切成一絲絲，非常考刀工！面頭配上蟹籽，食落好彈牙。
-岩手縣真蠔-
真蠔肥大肉厚，係咁多款日本蠔中最為爽身之一，蠔肉裙邊爽口 ，入口有濃郁海水味溢出，鮮甜creamy非常滑溜。面頭仲配有少少啫喱，口感層次更豐富😍
🔸極壽司·六貫
-赤鯛、帆立貝、赤蝦-
出壽司🍣次序都係好有心思，先上左淡口味嘅款式，再上濃口味。每款魚生都非常新鮮，而且啖啖肉，赤鯛有界花，令到魚嘅油脂味道更出。帆立貝King size鮮甜，赤蝦配有魚子醬，令到味道更豐富。
-間白、拖羅、魚籽海膽飯-
呢三款都係較濃口味。師傳對魚嘅處理方法極為細膩，間白、拖羅都好肥美，入口即溶，拖羅完全唔會食到有筋！魚籽海膽飯上盤令人眼前一亮，個外盤好靚，賣相100分！海膽鮮甜無比，魚籽好有咬口，配埋一齊食係完美組合。
🔸湯
-魚湯-
用左唔同魚熬製而成，完全無腥味，呈清澈顏色，廚師無加任何麵豉在內，所以個湯好鮮甜，有少量黏性。呢個湯對女士皮膚好，因為有大量骨膠原☺️仲加左豆腐、菇類在湯內。
🔸甜品
-芝士蛋糕-
完美嘅總結，仲有朱古力醬係面，食落唔覺得漏，芝士味濃郁creamy，就連甜品都非常出色！
Post
