鮨㐂 (Closed)

*從來未食過咁差嘅Omakase*從未出過食評，但為咗令普羅大眾唔使中伏，決定寫食評講講。中午平日食，揀咗約900蚊一位嘅lunch set。唔知個師傅係咪fresh grad，師傅整壽司手勢差以及壽司飯嘅quality 有問題，師傅鏈咗咁多舊壽司，差唔多舊舊啲飯都鬆晒，一用筷子夾即散。師傅每次鏈完壽司擺喺碟度，舊壽司可以企唔穩瞓低喺度，真係第一次見。切刺身嗰陣見到有骨，師傅就咁用手搣出嚟，仲好似拮親自己隻手，望落去好唔專業。每舊壽司味道都好普通，最令人印象深刻係最後嗰件手卷。其他餐廳通常會用吞拿魚蓉做餡去做最後嗰件手卷，呢度竟然夠膽夾兩條酸菜落去當手卷。收差唔多$900一位嘅午市omakase但咁嘅qaulity，呢間野我已經blacklist咗。我寫呢份食評只希望唔好再有人中伏。