Video
Read full review
2017-06-19
109 views
自從開始咗寫食評呢個習慣之後，就冇以前咁懶，淨係留喺新界區地方搵嘢食。 而今日就衝出新界，去到港島區嘅銅鑼灣搵嘢食。出發之前已經上網搵過到底邊一間餐廳嘅好評比較多，咁經過篩選之後就選擇咗嚟「小甜谷」食晚餐我覺得自己真係冇揀錯嚟呢一間餐廳。首先入到餐廳，餐廳嘅裝修設計比我嘅感覺就好似入左係鬧市之中嘅一個好悠閑嘅地方，可以令繁忙嘅香港人放低急促嘅步伐，喺度坐低慢慢享用美食Menu文字設計好簡潔之餘，佢嘅圖片亦都好吸晴，色彩豐富。餐廳嘅食物款式選擇唔算少，如果唔想睇字嘅朋友，睇到咁靚嘅圖片，應該已經好快就決定得到揀邊一樣菜式而我自己就係根據餐牌嘅圖片而選擇食物。咁我今晚嘅選擇就係**日本廣島炸蠔蕃茄蟹肉意粉**。上菜時間唔需要等好耐大概係10至15分鐘左右。自己對於呢一碟意粉最欣賞嘅係炸蠔，炸蠔可以話係皮薄餡靚。炸蠔嘅外榖上菜時仍然係好脆，食得出佢唔係落好多粉去炸，而蠔係屬於好多汁嗰種，無話炸到變蠔乾，真心讚另外，每一條意粉都沾到蕃茄汁，番茄汁帶微甜；意粉裏面嘅蟹肉，並唔係一條條絲，而係一粒粒細細嘅蟹肉，我個人覺得粒狀比絲會有更豐富嘅口感我點嘅餐飲係熱抹茶牛奶，真係好耐都未試過飲到一杯咁啱自
我覺得自己真係冇揀錯嚟呢一間餐廳。首先入到餐廳，餐廳嘅裝修設計比我嘅感覺就好似入左係鬧市之中嘅一個好悠閑嘅地方，可以令繁忙嘅香港人放低急促嘅步伐，喺度坐低慢慢享用美食
Menu文字設計好簡潔之餘，佢嘅圖片亦都好吸晴，色彩豐富。餐廳嘅食物款式選擇唔算少，如果唔想睇字嘅朋友，睇到咁靚嘅圖片，應該已經好快就決定得到揀邊一樣菜式
而我自己就係根據餐牌嘅圖片而選擇食物。咁我今晚嘅選擇就係**日本廣島炸蠔蕃茄蟹肉意粉**。上菜時間唔需要等好耐大概係10至15分鐘左右。自己對於呢一碟意粉最欣賞嘅係炸蠔，炸蠔可以話係皮薄餡靚。炸蠔嘅外榖上菜時仍然係好脆，食得出佢唔係落好多粉去炸，而蠔係屬於好多汁嗰種，無話炸到變蠔乾，真心讚
另外，每一條意粉都沾到蕃茄汁，番茄汁帶微甜；意粉裏面嘅蟹肉，並唔係一條條絲，而係一粒粒細細嘅蟹肉，我個人覺得粒狀比絲會有更豐富嘅口感
我點嘅餐飲係熱抹茶牛奶，真係好耐都未試過飲到一杯咁啱自己口味嘅抹茶可能係相片度睇得唔係咁清楚，但係我見到嘅實物係，抹茶有兩層顏色，好明顯可以睇到有淺綠同埋深綠兩種，咁當然深綠果一部份就係抹茶味比較濃厚嘅呢杯抹茶並唔係一般坊間甜味較重嗰種抹茶，而係帶甘。我自己覺得呢杯抹茶應該由日本抹茶粉同埋牛奶調出，真係飲唔到有人造糖嘅味道。
最後要講下嘅就當然係甜品啦--焙茶心太軟。首先我係要讚下店家對於甜品擺位嘅設計。甜品分開三部份，心太軟，伴碟（紅豆+綠茶餅乾+小葉裝飾），同埋雲呢拿雪糕一開始我見到心太軟同埋小伴碟嘅間距比較遠，我就覺得呢個擺位唔係咁好睇，反而伴碟小葉同埋雲呢拿雪糕嘅距離就啱啱好。點知當我一切開心太軟嘅時候，就知道佢呢個擺位設計係真係好有心思！因為當你切開心太軟之後，唔使2秒，裡面嘅流心就會好似泉水咁湧出來，而流出嚟嗰部份正正係可以填滿心太軟同埋小葉裝飾中間嘅間距！呢一部份我真係好欣賞甜品師傅
除咗甜品嘅外型設計我係好欣賞之外，味道質素方面我自己覺得都係屬於高水平。心太軟嘅味道其實同一般朱古力心太軟相似，但甜度無咁高。另外，就好似我頭先所講，裏面流心好似泉水咁樣用湧出嚟，流心嘅質地係真係好貼近水，但係當流左出嚟，接觸到空氣嘅之後，佢就會開始慢慢變得無咁流質，咁就唔會話食得好狼狽
小伴碟嘅設計我自己都係好鍾意。首先講顏色，紅豆同埋綠茶餅乾拼埋一齊已經係好好睇，上面仲要加一塊細嘅小葉，我覺得好有聖誕樹嘅感覺，好可愛雪糕方面係雲呢拿味，上面再加啲花生，花生好香，幫雪糕加多左一份香味同埋口感，真係好正
價錢方面我自己覺得係銅鑼灣呢一區嚟講，小甜谷嘅定位係相當大眾化，而且有咁嘅水準，實在難得，唔怪之得有咁多個好評啦
Post
