穴 (Moved) New Location

早兩個星期成日落雨，落到人都悶。釣唔成墨魚，便約埋一大班朋友去食番餐好，cheer up大家。在openrice一早看到呢間餐廳啲comment都幾好，咪試試真偽。一坐下便點了南非生蠔一板海膽、蟹粥、Toro脆脆、海鮮沙津、刺身等。南非生蠔係必食之選 超級肥美！Toro脆脆都ok，幾特別。海膽都ok，雖然唔算甜，但唔腥。其他刺身，壽司都好好味。蟹羔燒大蝦好惹味，蟹羔好多。窩燒烏冬係用稻亭鳥冬，又彈牙又滑，好好食！甜品就試咗燒年糕，因為唔係間間日本餐廳都有，所以咪試吓。上面有花生醬同少少砂糖，外層唔夠脆，但裏面都軟，都ok啦。整體都算ok，朋友們覺得有驚喜，讚不絶口，大家都食得開心。