禮賓傅 (Closed)

是咁的，我地一班同事高高興興咁去呢間所謂既禮賓府食飯，個環境尚算ok,但啲菜一黎個時，我就知自己今次hihi喇。首先，我講下我地食咩先，我地食既係咩「九道菜盛宴精選套餐」。第一道菜叫「片皮雞牛油果多士配黑魚子」黎既時候，我抱住前菜心態去食，但賣相令我諗想以前Neway 自助餐既炸野，味道正常，一般地方食到既味。第二道菜叫「香煎松茸蟹餅」一黎心諗Neway自助餐個廚走左黎做part time?我試下用通俗啲黎形容下佢，一片菇加個炸蟹餅。心入面諗，沙津醬呢?唔記得呢到叫禮賓博。第三道菜叫「海鮮木瓜盅」一黎個時……細到呢三下食哂，仲要無咩料，湯又唔熱。個湯仲差過好多一般酒樓既東瓜盅。我啲同事就話個木瓜好食，夠甜。我心諗，如果食菠蘿炒飯話個菠蘿皮好食，個廚炒得。第四道「香煎石班配雙色蛋白」樣特別，但原來凍食，兩啖食完第五道 「紅燒花膠扒」扒咩呀扒，花膠粒就有份，我想知邊到紅燒，凍既，紅燒都凍，真係出奇。第六道「酥炸安格斯牛腩配咖喱汁」最好食呢個，但黎呢到食咖喱牛腩，我不如落油麻地食第七道「素千層浸芥菜膽」出家既味道第八道「禮賓傅炒飯」同事以為最期待既一道菜一黎，笑死我唔係上一碟，真係上一碗，你