Video
Read full review
2017-09-07
1845 views
早幾年已經聽過禮賓府既大廚自立門戶，响中環開左間「禮賓傅」做高級中菜，吸引到好多高官同名人幫襯，攪到我都好想試下。由於位置較為唔就腳，一直未有幫襯。近日發現有個book位app竟然book枱可以5折埋單，實在非常吸引！當然，咁抵係有條件既，只有下午2:00同晚上9:30後入座才可以！我就book左星期六下午二時，等埋返半日既家姐放工剛剛好，一家四口就去「禮賓府」開餐啦！呢間「禮賓府」就非常細，雖然係5樓全層，但出lift既走廊同入去既門口都超窄，唔夠grand! 入到裡面，一眼望晒，兩邊既枱有梳化位，再加中間一行枱，座位不多！另外仲有一間VIP房。坐低後，就快快睇下order咩野食。餐牌既食物種類齊全，連鮑參翅肚都有！講真，價錢都幾貴，拍住酒店中菜廳價錢，不過我地宜家散叫食物有5折就無所謂啦！由於當時客人已經唔多，所以我地點既餸菜好快就陸續上枱啦！第一碟係大良炒鮮奶，都算幾大碟，原價要成300蚊架！不過食落都好鹹，唔知係咪師傅重手左呢！第二碟上嘅係菠蘿咕嚕肉，用上新鮮嘅菠蘿算係有誠意啦！咕嚕肉軟硬適中，幾好味！第三碟係老少平安，味道唔差，不過就冇咩驚喜！跟住來的係招牌菜，禮賓傅炒飯同埋
呢間「禮賓府」就非常細，雖然係5樓全層，但出lift既走廊同入去既門口都超窄，唔夠grand! 入到裡面，一眼望晒，兩邊既枱有梳化位，再加中間一行枱，座位不多！另外仲有一間VIP房。
坐低後，就快快睇下order咩野食。餐牌既食物種類齊全，連鮑參翅肚都有！講真，價錢都幾貴，拍住酒店中菜廳價錢，不過我地宜家散叫食物有5折就無所謂啦！
由於當時客人已經唔多，所以我地點既餸菜好快就陸續上枱啦！第一碟係大良炒鮮奶，都算幾大碟，原價要成300蚊架！不過食落都好鹹，唔知係咪師傅重手左呢！第二碟上嘅係菠蘿咕嚕肉，用上新鮮嘅菠蘿算係有誠意啦！咕嚕肉軟硬適中，幾好味！第三碟係老少平安，味道唔差，不過就冇咩驚喜！
跟住來的係招牌菜，禮賓傅炒飯同埋五味炸子雞。炒飯嘅份量唔算多，又有D油，但就收3佰幾蚊一碟。雖然有龍蝦、帶子同鮑魚等高價材料，但係每樣只得幾粒，都唔值呢個價錢！至於五味炸子雞就等左好耐先上枱，上枱時熱辣辣，雞肉好滑，仲可以任你配5種唔同嘅醬料，包括綠茶鹽、檸檬汁、南乳、藍莓同埋洛神花醬，幾特別！
最後我哋仲叫咗個湯圓合桃露同埋杏仁茶做甜品。兩種甜品都幾好味，又唔太甜，都好啱老人家食。不過甜品個碗靚就靚，但係個size非常細，只係得幾匙羹，要60幾蚊一碗就唔係太值啦！
總結嚟講，今次最抵嘅係有五折！如果比正價，但係食物又冇太大驚喜，就會好失望呀！
Post
