Royal Italian

Open Now

Now Closed

我以為我訂咗意大利餐廳去食pizza啦,點知喺地下搭𨋢已經有啲重慶大廈feel喎…大廈環境認真麻麻,有啲驚驚哋!一出lift見到餐廳嘅格局,真係以為去咗重慶森林啲印度餐廳...…好彩已經坐咗幾張枱,咁我都放心啲😌餐廳用二維碼落單,自己慢慢揀,都幾好吖,完全冇壓迫感。三個人叫咗三個set lunch,有pizza,長通粉,同埋雞飯,我哋揀嘅全部都係hot items,每個set仲包一杯飲品,我哋穩穩陣陣叫杯可樂就算啦。唔使等好耐就上菜,唔錯喎,每個set都好好食,我哋開心share,有啲食唔曬㖭。咁究竟呢間餐廳有幾古惑呢?就係個侍應同大廚應該係印度人,煮嘅嘢食都充滿印度style。好似長通粉辣辣地有啲印度香料嘅辣味。個飯係用咗印度長長尖尖嘅飯,仲有油酥餅跟餐,你話係咪根本係印度set lunch吖。你話係意大利餐廳咩,個pizza又真係好好食,完全冇印度feel喎,而且size都唔細,性價比高嗰隻,所以你話古惑唔古惑?!🤪以中環嚟講,呢個價錢真係抵食!仲要係樓上鋪,直頭係傾密偈嘅好地方👍。